Yasowa 14:12 - ALLALA KUMƐ

¹² Awa, i ni kɔnkɔ-nyamanɛ kɛ di n ma iko Mari ya lanyiri kiri n ye nya min. Ma ya ma dantɛgɛ tumɛ min, ma ya a fɔ ko mɔgɔ-kinama-wɛnu bi nyɔ. (Anaki bɔnsɔn le kɛnu na.) Anu siginɛ so-wɛnu tɔ minnu nafoonɛ tarɛ la. Kɔnɔ kaka, ni Mari ye n fɛ, n si mɔgɛ kɛnu gben nyamanɛ kɛ rɔ.”

Yasowa 14:12 ပူးပေါင်းရင်းမြစ်များ

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 60:12

Ni ile Alla ye ma fɛ, fɔ ma wa nɔ-ko sɔrɔn. Ma si ma yogenu nɔ le worɔ feu!

Yilan-Yilan Koe 13:28

Kɔnɔ hɛɛ, Kenan nyamanɛ wo gbɛlɛ! Nyɔ ragbɛlɛ! Fanka-tigi gbansannu bi nyɔ. Nyamanɛ wo soenu kolo dɔgɔma-ma-de, anubɛ a tara-belebele-wɛ minnu nadannɛ kuri la, mɔgɔ ti ke ka anu nɔ nyɔ. Wo kɔma, ma ya mɔgɔ-kinama-belebele-wɛnu yen nyɔ.

Yilan-Yilan Koe 13:33

Ma ya fanka-tiginu yen nyɔ minnu yan ma ko, anu kolo ma ko, ado fanka ye anu na ka tenbi male la pon! Anaki bɔnsɔn le mɔgɛ kɛnu na. Ma ya ma nyɛrɛ yen anu yakɔrɔ iko mɛnɛ-mɛnɛnɛnu. Anu fanan ya ma yen ka le.”

Yilan-Yilan Koe 21:34

Kɔnɔ Mari ya a fɔ Musa ye ko, “Wo kana kilan anu na. N bara ban fanka dila wo ma mɔgɛ kɛnu kuma. Wo ni a ma Mansa Ɔku la iko wo ya a ma Mansa Saihɔn la nya min.”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Tɔn-Fɔɛ-Fila-Nyɔgɛ 9:3

Kɔnɔ kaka, wo si a yen wota Mari Alla ye tala wo yarɔ iko ta-wɔnkɔrɔmɛ. Wo ye tala nya min, ale Mari ye tala mɔgɛnu nɔla wo yarɔ wo nya na le. Wo si ke le ka anuna nyamanɛ bi anu bolo ka anu faga tiriya iko Mari ya lanyiri kiri wo ye nya min.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Yasowa 15:14

Anakila den-kei mɔgɔ sawɛ, Sɛsayi, Ahaiman, anubɛ Talamayi, Kelabu ya wonu kebilɛnu gben ka bɔ Hiburɔn soe burɔ.

Kɛlɛ-Kurugbɛnu 1:20

Anu ya Hiburɔn soe di Kelabu ma iko Musa ya lanyiri kiri a ye nya min nun. Kelabu ya Anaki kebila sawɛ gben nyɔ.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”