Yasowa 13:9 - ALLALA KUMƐ

⁹ Anuna nyamanɛ tara ha Arɔra soe min bi Anɔn lɛɛ anubɛ nyamanɛ min bɛɛ ye Dibon dugu la ha ka ke Midaba soe ma.

Yasowa 13:9 ပူးပေါင်းရင်းမြစ်များ

2 Samuwɛli 24:5

Anu ya Yorodan bɛ tɛgɛ tumɛ min, anu ya anu daga makɛ Arɔra soe dugu la. Arɔra soe wo sɔnɛ lɛɛ tɛma Kadi bɔnsɔn-mɔgɛnuna nyamanɛ rɔ. Anu bɔra nyɔ ka yɛlɛ kan tɔ ka ta Yasa soe burɔ.

1 Ko-Kɔrɔta-Karan 19:7

Kɛlɛ-dan kirindi-tigi mɔgɔ waga bi-sawa ani mɔgɔ waga fila (32,000), wonu wulita ka ta kofu Meyaka mansɛ anubɛ ala kɛlɛ-dannu ma. Anu dama wulita Mansa Dawuda kan ma ka ta anu daga makɛ Midaba soe dafɛ. Wo kɔma, Amonnuna kɛlɛ-dan damasi wulita Mansa Dawuda kɛlɛ kan ma.

Nihɛmaya 11:25

Mɔgɔ-siyaman sigira anuna soenu tɔ anuna sɛnɛnu bi minnu da kɔrɔ. Yuda bɔnsɔn-mɔgɛnu sigira Kiriyati-Araba anubɛ Dibon anubɛ Yɛkabisɛli soenu tɔ anubɛ nyɔ-dafɛ-so-mɛsɛnu tɔ.

Aiseya 15:2

Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Yɛrɛmaya 48:18

Wole min siginɛ Dibon soe burɔ, wo si yigi ka bɔ wola gbiliya-tinɛ rɔ ka na sigi gbangban rɔ. Mohabu nyamanɛ kasaralɛ ye yan. Dibon so-latankanɛ kasaranɛ si to.

Yɛrɛmaya 48:22

Dibon, Nibɔ, Bɛti-Dibilatayim,

Yɛrɛmaya 48:8

A kɔnkɔrɔ-soenu wo, a lɛɛrɔ-soenu wo, wo bɛɛ si na kasara. Wo do-wo-do kunyɛ ti bɔ a rɔ. Mari kan le kɛ la.

Yilan-Yilan Koe 21:30

Ka a bi Hɛsibɔn ma ha ka ke Dibon soe ma, ila mɔgɛ wo bɛɛ ara halaki pɔ ka a bi Nasima soe ma ha ka ke Nofa soe ma min gbɛrɛnnɛ Midaba soe ma.”)

Tɔn-Fɔɛ-Fila-Nyɔgɛ 2:36

Mata Mari Alla ya ma dɛnbɛ ka anuna soe bɛɛ kɛlɛ ka a dabira Arɔra soe ma min bi Anɔn ba lɛɛ rɔ ka ta ke a dafɛ-soe do ma min bi anuna lɛɛ tɛma. Wo kɔma, ma tara ha ka ke Kaliyadi nyamani-dan ma. Anuna soenu tarɛ keri-koe ma gbɛlɛya ma kuma.

Tɔn-Fɔɛ-Fila-Nyɔgɛ 3:12

Musa ya a fɔ tun ko, “Ma ya anuna nyamanɛ bi anu bolo tumɛ min, n ya nyamanɛ wo tala bɔnsɔn filɛ anubɛ a talɛ tɛma. Ka a fɔlɔ Arɔra soe ma min bi Anɔn bɛ dafɛ ha ka ta kantɔ pon, anubɛ Kaliyadi kɔnkɔ-nyamanɛ do, n bara wonu di Rubɛn anubɛ Kadi bɔnsɔnnu ma katarala a soenu ma.

Tɔn-Fɔɛ-Fila-Nyɔgɛ 3:16

Ka a dabira Kaliyadi nyamanɛ ma ha ka ta ke Anɔn bɛ ma, n ya wonu di Rubɛn anubɛ Kadi bɔnsɔnnu ma. Dan min bi tala dugu la, wo dan le Anɔn bɛ tɛmɛ la. Dan min bi tala kan tɔ, wo fanan dan le Yabɔki bɛ la min bi anubɛ Amonnu dan la.

Yasowa 12:2

Isirɛla mɔgɛnu ya mansɛ minnuna soenu bi, a fɔlɔtɛ le Mansa Saihɔn la. Amora bɔnsɔn-mɔgɛ do le min siginɛ Hɛsibɔn soe rɔ. Ata nyamanɛ-dabirɛ le Anɔn bɛ ma dugu la ha ka ke Yabɔki bɛ ma Amon dan kantɔ anubɛ Kaliyadi nyamani-talɛ ma.

Yasowa 13:10

Anuna nyamanɛ danta Amon nyamanɛ la tele-bɔɛ wara la. Nyamanɛ wo soe bɛɛ taranta Mansa Saihɔn bolo nun ka a dabira Hɛsibɔn soe ma a siginɛ kan min.

Yasowa 13:16

Anuna nyamanɛ ya a dabira Yorodan bɛ ma tele-yigi wara la ka ke Anɔn bɛ ma ha kɔnkɛ min tasiginɛ ye Midaba soela foolɛ rɔ.

Yasowa 13:8

Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ya anuta nyamanɛ sɔrɔn nun, Marita wɔli-kɛlɛ, Nɛbi Musa ya min di anu ma nun Yorodan bɛ kɔma tele-bɔɛ wara la.