Yasowa 13:2 - ALLALA KUMƐ

^2-3 Wo ma Filisiti kɛnuna nyamanɛ bi wɛ anu bolo. Anuna so loli wo le kɛnu na, Kesa, Asadadi, Asikalɔn, Kati, anubɛ Ɛkirɔn. Fɔ wo wa Kesa kɛnuna nyamanɛ bi min bi Iyipiti tele-bɔɛ anubɛ Afim kɛnuna nyamanɛ min bi dugu la. Nyamanɛ min ya a dabira Sihɔ bɛ ma Iyipiti dan la ka dan Ɛkirɔn soe ma, wo ma wo fanan bi wɛ.

Yasowa 13:2 ပူးပေါင်းရင်းမြစ်များ

Ko-Dabirɛnu 10:14

Patirusi wo, Kasilu wo, anubɛ Kafitori. (Filisitinu benba le Misiramna den Kafitori la.)

Ko-Dabirɛnu 26:1

Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

2 Samuwɛli 3:3

Ala dan fila nyɔgɛ tɔgɛ le Keleyabu. Wo na le Abigɛli la, Nebalila musu-tonɛ, kɔni min bɔra Kamɛli soe burɔ. Ala dan sawa nyɔgɛ tɔgɛ le Abasalɔm. Wo na le Meyaka la. Mansa Talamayi min bi Kesa nyamanɛ kun na, wola dunmusi le kɛ la.

Yowɛli 3:4

Mari ya Filisiti nyamanita-mɔgɛnu anubɛ Taya anubɛ Saidon so-burɔ-mɔgɛnu manyinika, ni anu bi min mala kɛ la, ni anu bi ale Mari tayili sara le la wo rɔ. Nba, ni wo le, ale Mari ko ale fanan si a tayili sara anu na tiriya!

Sɛfanaya 2:5

Wole Filisiti mɔgɛ minnu siginɛ kɔgɔ-yi dafɛ, wo ara ban donna saya-kiti kɔrɔ. Mari ara ban wo latɛgɛla feu! A ko a si wo kasara, hali mɔgɔ-den-kelen ti to a niyi la.

Tɔn-Fɔɛ-Fila-Nyɔgɛ 3:14

Manasa kegeyɛ do min tɔgɛ Yeya, wo tara bui Agabi sigisɔn-mɔgɛnu ma ka soe wonu bi min bi Basan nyamanɛ rɔ ha ka ta ke Kɛsɔra anubɛ Meyaka nyamanɛnu da kɔrɔ. A ya a tɔgɛ sa soe wonu kuma ka wonu kele ko Yeyaya. Ha bi, anu bi soe wonu kelela wo nya na le.

Yasowa 12:5

Ɔkula nyamani-dabirɛ le Hɛrɔman kɔnkɛ ma ha ka ke Salaka soe ma ha ka ke Mansa Saihɔnta nyamani-dan ma Kaliyadi nyamanɛ rɔ anubɛ Basan nyamanɛ bɛɛ ha ka ke Kesa anubɛ Meyaka nyamani-dannu ma.

Yasowa 13:11

Hɛrɔman kɔnkɛ bɛɛ, anubɛ Basan nyamanɛ bɛɛ taranta anuna nyamanɛ rɔ ha ka ke Salaka soe ma anubɛ Kaliyadi nyamanɛ bɛɛ ha ka ke Kesa nyamanɛ anubɛ Meyaka nyamanɛ bɛɛsi rɔ.

Yasowa 13:13

Hali wo bɛɛ rɔ, Isirɛla mɔgɛnu ma Kesa anubɛ Meyaka mɔgɛnu gben. Wonu siginɛ tora anu tɛma ha kaka.

Kɛlɛ-Kurugbɛnu 3:1

Mari ya sibolo-gbɛrɛ donu to nyɔ alako ka Isirɛla mɔgɛnu kɔrɔbɔ minnuta wati ma bɛn Kenan nyamani-kuma-kɛlɛ ma, alako ka wonu fanan karan kɛlɛ-kɛ-nya ma.

1 Samuwɛli 27:8

Ka a fɔlɔ wo wati ma gbɛ, Dawuda anubɛ ala keminɛnu kɛnɛna tala buila Kɛsɔranu anubɛ Kirisanu anubɛ Amalɛkinu ma. Wonu bara mɛ sigini nyɔ nun. Dawuda anubɛ ala keminɛnu kɛnɛna tala anu gbenna ha Sura soe burɔ ha ka ta ke Iyipiti nyamanɛ rɔ fanan.