Yasowa 13:14 - ALLALA KUMƐ

¹⁴ Musa ma nyamanɛ di Lifayi bɔnsɔn ma bawo Isirɛlata Mari Alla ara a fɔ nun ko, “Isirɛla mɔgɛnu bi sarakɛ minnu bɔla n ye, wo do si di Lifayi bɔnsɔn ma.”

Yasowa 13:14 ပူးပေါင်းရင်းမြစ်များ

Isikiyɛli 44:28

“Saraka-masɔlɛnu kɛɛ le saraka-masɔ-wɔlɛ kɛ la n ya min di anu ma, ado anu bi wɔlɛ kɛ le tola anu kegeyɛnu bolo. Anu ti anu halala-dugu fenfen sɔrɔn. Anu mako-nyinyalɛ le nde kelen pe la.

Isikiyɛli 44:29

Saraka-dɛgɛnu wo, hakɛ-sarakɛnu wo, yiliki-sarakɛnu wo, wonu denu bi mala saraka-masɔlɛnuta beli-fan la. Hali min bɛɛ dantɛgɛnɛ nde, Mari ma Isirɛla nyamanɛ rɔ, anutɛ le wo bɛɛ la.

Tɔn-Fɔɛ-Fila-Nyɔgɛ 10:9

Anu mɛ saraka-masɔlɛnu na Mari ye iko Mari Alla ya a fɔ anu ye nya min, wo le ya a ma, anu bɔnsɔn ma anuna lanyiri-nyamani-fen sɔrɔn anu nyɛrɛ ma iko bɔnsɔn doinu ya a sɔrɔn nya min. Anu mako-nyinyalɛ le nde le kelen pe la.

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

Tɔn-Fɔɛ-Fila-Nyɔgɛ 12:19

Fananta wo ye nyamanɛ wo rɔ, wo ni a ma wo fɛrɛma de, wo kana nyina Lifayi mɔgɛnu ko dɛɛ!

Yasowa 13:13

Hali wo bɛɛ rɔ, Isirɛla mɔgɛnu ma Kesa anubɛ Meyaka mɔgɛnu gben. Wonu siginɛ tora anu tɛma ha kaka.

Yasowa 13:15

Musa ya nyamanɛ wo fara Rubɛn bɔnsɔn-mɔgɛnu na iko anu siya nya min.

Yasowa 13:33

Kɔnɔ Musa ma nyamani-fenfen di Lifayi bɔnsɔn-mɔgɛnu ma bawo Isirɛla mɔgɛnu bi kɔ-fan min dila anuta Mari Alla ma, anu denu bi anutɛ sɔrɔnna wo le tɔ.

Yasowa 18:7

Lifayi bɔnsɔn ma nyamanɛ fenfen sɔrɔn bawo Marila saraka-masɔlɛ le anu denu na. Kadi, Rubɛn, anubɛ Manasa bɔnsɔn-talɛ, wonu bara anutɛ sɔrɔn nun Yorodan bɛ kɔma tele-bɔɛ wara la iko Nɛbi Musa ya a di anu ma nya min.”