Yasowa 12:6 - ALLALA KUMƐ

⁶ Musa anubɛ Isirɛla mɔgɛnu ya Mansa Saihɔn anubɛ Mansa Ɔku kɛlɛ fɔlɔ nun ka anu nɔ. Wo kɔma, Musa ya nyamanɛ wo di Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ma.

Yasowa 12:6 ပူးပေါင်းရင်းမြစ်များ

1 Mansɛnu 4:19

Yurila den Kibɛri ye Kaliyadi sigisɔn-nyamanɛ kun na. Sigisɔn wo ye Amora mɔgɛnuna Mansa Saihɔn anubɛ Basan mɔgɛnuna Mansa Ɔku bolo nun. Ale kelen pe le kun-tigiyɛ la sigisɔn wo rɔ.

Yilan-Yilan Koe 32:29

“Ni Kadi bɔnsɔn anubɛ Rubɛn bɔnsɔn kɛlɛ-dannu ya Yorodan bɛ tɛgɛ Marita tɔn-kenkirɛ yarɔ, wo si a ma, anu ni Kaliyadi nyamanɛ kɛ sɔrɔn. Fɔ anu ni wo dɛnbɛ Kenan nyamanita-mɔgɛnu kɛlɛla ka anu faga.

Yilan-Yilan Koe 32:32

Ni Mari sɔnta, ma si bɛ tɛgɛ ka ta Kenan nyamanɛ kɛlɛ-kɛ-tinɛ. Woletɔ male fanan si matɛ sɔrɔn Yorodan bɛ kɔma tele-yigi wara la.”

Yilan-Yilan Koe 32:33

Amora Mansɛ Saihɔnta nyamanɛ wo anubɛ Basan Mansɛ Ɔkuta nyamanɛ wo, Musa ya wonu bi ka anu di Manasa bɔnsɔn tɔnkɔn kelan ma anubɛ Kadi bɔnsɔn anubɛ Rubɛn bɔnsɔn ma. Anu ya soe wonu bi nyamanɛ wo rɔ ka wonu ma anutɛ la.

Yasowa 14:3

Nyamanɛ min bi Yorodan bɛ kɔma tele-bɔɛ wara la, Musa ya wo di bɔnsɔn fila anubɛ a talɛ ma fɔlɔn.

Yasowa 18:7

Lifayi bɔnsɔn ma nyamanɛ fenfen sɔrɔn bawo Marila saraka-masɔlɛ le anu denu na. Kadi, Rubɛn, anubɛ Manasa bɔnsɔn-talɛ, wonu bara anutɛ sɔrɔn nun Yorodan bɛ kɔma tele-bɔɛ wara la iko Nɛbi Musa ya a di anu ma nya min.”

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.