Yasowa 12:5 - ALLALA KUMƐ

⁵ Ɔkula nyamani-dabirɛ le Hɛrɔman kɔnkɛ ma ha ka ke Salaka soe ma ha ka ke Mansa Saihɔnta nyamani-dan ma Kaliyadi nyamanɛ rɔ anubɛ Basan nyamanɛ bɛɛ ha ka ke Kesa anubɛ Meyaka nyamani-dannu ma.

Yasowa 12:5 ပူးပေါင်းရင်းမြစ်များ

2 Samuwɛli 13:37

Abasalɔm ya a buri. A tara a sigi Amihudila den Mansa Talamayi warɛ min bi Kesa nyamanɛ kun na. San sawa a ye nyɔ. Mansa Dawuda mɛra ala den Aminɔ dila.

2 Samuwɛli 23:34

Ahasabayila den Ilifɛlɛti ka bɔ Meyaka soe burɔ, Ahitafɛlila den Ɛliyamu ka bɔ Kailo soe burɔ,

2 Samuwɛli 3:3

Ala dan fila nyɔgɛ tɔgɛ le Keleyabu. Wo na le Abigɛli la, Nebalila musu-tonɛ, kɔni min bɔra Kamɛli soe burɔ. Ala dan sawa nyɔgɛ tɔgɛ le Abasalɔm. Wo na le Meyaka la. Mansa Talamayi min bi Kesa nyamanɛ kun na, wola dunmusi le kɛ la.

2 Mansɛnu 25:23

Kɛlɛ-den-kunyɛ anubɛ kɛlɛ-dan minnu ya anu buri kɛlɛ kɔrɔ, wonu ya a lamɔɛn min kɛ ko Yuda nyamanɛ tora Mansa Kɛdalaya bolo, anu tara kofu a ma Misipa soe burɔ. Minnu tara kofu Mansa Kɛdalaya ma, wonu tɔgɛ le kɛnu na, Nɛtanayala den Sumanyila wo, Kareyala den Yohenan wo, Tanhumɛtila den Sɛraya min bɔra Nɛtofa soe burɔ wo, anubɛ Yeyasanaya min bɔra Meyaka soe burɔ.

1 Ko-Kɔrɔta-Karan 5:11

Kadi bɔnsɔn sigira Rubɛn bɔnsɔn-mɔgɛnu kantɔ-wara la Basan nyamanɛ rɔ. Wonuna dugi wo le tara tele-bɔɛ wara la furr, fɔɔ Salaka soe dafɛ.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Tɔn-Fɔɛ-Fila-Nyɔgɛ 3:14

Manasa kegeyɛ do min tɔgɛ Yeya, wo tara bui Agabi sigisɔn-mɔgɛnu ma ka soe wonu bi min bi Basan nyamanɛ rɔ ha ka ta ke Kɛsɔra anubɛ Meyaka nyamanɛnu da kɔrɔ. A ya a tɔgɛ sa soe wonu kuma ka wonu kele ko Yeyaya. Ha bi, anu bi soe wonu kelela wo nya na le.

Yasowa 12:1

Mansɛ le kɛnu na Isirɛla mɔgɛnu ya minnu nɔ nun ka anuna soenu bi yanni anu ni tenbi Yorodan bɛ kɔma tele-bɔɛ wara la. Mansɛ kɛnuna nyamanɛ ya a dabira Anɔn bɛ ma ha ka ke Hɛrɔman kɔnkɛ ma anubɛ wo soenu ma minnu bi wulɛ rɔ tele-bɔɛ wara la.

Yasowa 13:11

Hɛrɔman kɔnkɛ bɛɛ, anubɛ Basan nyamanɛ bɛɛ taranta anuna nyamanɛ rɔ ha ka ke Salaka soe ma anubɛ Kaliyadi nyamanɛ bɛɛ ha ka ke Kesa nyamanɛ anubɛ Meyaka nyamanɛ bɛɛsi rɔ.

1 Samuwɛli 27:8

Ka a fɔlɔ wo wati ma gbɛ, Dawuda anubɛ ala keminɛnu kɛnɛna tala buila Kɛsɔranu anubɛ Kirisanu anubɛ Amalɛkinu ma. Wonu bara mɛ sigini nyɔ nun. Dawuda anubɛ ala keminɛnu kɛnɛna tala anu gbenna ha Sura soe burɔ ha ka ta ke Iyipiti nyamanɛ rɔ fanan.