Yasowa 12:1 - ALLALA KUMƐ

¹ Mansɛ le kɛnu na Isirɛla mɔgɛnu ya minnu nɔ nun ka anuna soenu bi yanni anu ni tenbi Yorodan bɛ kɔma tele-bɔɛ wara la. Mansɛ kɛnuna nyamanɛ ya a dabira Anɔn bɛ ma ha ka ke Hɛrɔman kɔnkɛ ma anubɛ wo soenu ma minnu bi wulɛ rɔ tele-bɔɛ wara la.

Yasowa 12:1 ပူးပေါင်းရင်းမြစ်များ

1 Mansɛnu 4:19

Yurila den Kibɛri ye Kaliyadi sigisɔn-nyamanɛ kun na. Sigisɔn wo ye Amora mɔgɛnuna Mansa Saihɔn anubɛ Basan mɔgɛnuna Mansa Ɔku bolo nun. Ale kelen pe le kun-tigiyɛ la sigisɔn wo rɔ.

Yaburi 133:3

Kan kelan wo mani de iko duri tenbi yigila Hɛrɔman kɔnkɛ ma, ni wo ma, duri min bi yigila Yerusalɛm kɔnkɛ ma. Mari ara ma yili-madiya habadan-nimayɛ la nyɔ le.

Yaburi 136:21

A ya wonuna nyamanɛnu natenbi ala mɔgɛnu ma. Ala keninteyɛ dan sa.

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Aiseya 16:2

Anuna musinu tara anu nabɛn tinɛ Anɔn bɛ dafɛ. Anu makinikininɛ sɔnɛ nyɔ iko fen ba porokɔlɔ koni-dannu ma anu nyagan rɔ.

Yilan-Yilan Koe 21:13

Anu bɔra nyɔ tun ka ta anu daga makɛ Anɔn bɛ tɔgɔfɛ. Anu bi Amora mɔgɛnuna wulɛ rɔ. Bɛ kɛ le Amora mɔgɛnu anubɛ Mohabu mɔgɛnu dan la.

Yilan-Yilan Koe 21:21

Isirɛla mɔgɛnu ya kilayɛ lata Amora mansɛ Saihɔn ma ko,

Yilan-Yilan Koe 21:24

Kɔnɔ hali Amora kɛlɛ-dannu nara fanka la anu kan ma, Isirɛla mɔgɛnu ya mansɛ anubɛ ata mɔgɛnu nɔ. Isirɛla mɔgɛnu ya anuna nyamanɛ bi ka bɔ Anɔn bɛ ma ha ka ke Yabɔki bɛ ma ha tele-bɔɛ ma Amon mɔgɛnu bi kan min. Anu ma ke donna Amonnuna nyamanɛ rɔ bawo wonuna dan fɛ-biranɛ anu bolo gben!

Yilan-Yilan Koe 32:19

Ma ti dugu-wo-dugu bi bɛ kɔgɔma ma ta-nyɔgɛnu tɛma bawo male ara matɛ sɔrɔn yan bara la Yorodan bɛ tele-bɔɛ.”

Yilan-Yilan Koe 32:32

Ni Mari sɔnta, ma si bɛ tɛgɛ ka ta Kenan nyamanɛ kɛlɛ-kɛ-tinɛ. Woletɔ male fanan si matɛ sɔrɔn Yorodan bɛ kɔma tele-yigi wara la.”

Yilan-Yilan Koe 32:33

Amora Mansɛ Saihɔnta nyamanɛ wo anubɛ Basan Mansɛ Ɔkuta nyamanɛ wo, Musa ya wonu bi ka anu di Manasa bɔnsɔn tɔnkɔn kelan ma anubɛ Kadi bɔnsɔn anubɛ Rubɛn bɔnsɔn ma. Anu ya soe wonu bi nyamanɛ wo rɔ ka wonu ma anutɛ la.

Tɔn-Fɔɛ-Fila-Nyɔgɛ 2:24

Musa ya a fɔ anu ye tun ko, “Wo tumɛ ma ara ban tenbila Mohabu nyamanɛ la, Mari ya a fɔ n ye ko, ‘Wo ni wo lawuli ka Anɔn bɛ tɛgɛ. Amoranuna Mansɛ Saihɔn min siginɛ Hɛsibɔn soe burɔ, a si a ma, wo ni nɔ-ko sɔrɔn ale anubɛ ata nyamanita-mɔgɛnu ma. Wo si ta anu kɛlɛ ka wo sigi anuna nyamanɛ rɔ.

Tɔn-Fɔɛ-Fila-Nyɔgɛ 2:32

“Mansa Saihɔn bɔra Hɛsibɔn soe burɔ ka na ala kɛlɛ-dannu na ka na ma taran Yehasi soe da kɔrɔ.

Tɔn-Fɔɛ-Fila-Nyɔgɛ 3:1

Musa ya a fɔ tun ko, “Wo kɔma, ma tara Basan nyamanɛ rɔ kantɔ-wara la. Ma ya a taran, Mansa Ɔku anubɛ ala kɛlɛ-dannu bara kilɛ tɛgɛ ma ma ma kɛlɛ-koe la Ɛdiriya soe dafɛ.

Tɔn-Fɔɛ-Fila-Nyɔgɛ 4:44

Musa ya Marita tɔn karan Isirɛla mɔgɛnu ye

Tɔn-Fɔɛ-Fila-Nyɔgɛ 4:48

dan wo le ya a fɔlɔ Arɔra soe ma min bi Anɔn bɛ dafɛ. Dan wo le tara fɔ Hɛrɔman kɔnkɛ ma, anu bi a fɔla min ma fanan ko Siriyon kɔnkɛ.

Yasowa 1:15

ha anu ni anuta nyamanɛ sɔrɔn yisi-kimɛ rɔ. Wo kɔma, wo ni sɛgi wo warɛ Yorodan bɛ kɔma yan.”

Yasowa 11:17

Ka a dabira Halaka kɔnkɛ ma dugu la Idɔm soe da kɔrɔ, ha ka ta ke Beyali-Kadi soe ma kantɔ Lɛbanan lɛɛ rɔ Hɛrɔman kɔnkɛ kɔrɔ, Yasowa ya wo bɛɛ nɔ.

Yasowa 13:8

Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ya anuta nyamanɛ sɔrɔn nun, Marita wɔli-kɛlɛ, Nɛbi Musa ya min di anu ma nun Yorodan bɛ kɔma tele-bɔɛ wara la.

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.

Kɛlɛ-Kurugbɛnu 11:18

“Wo kɔma, anu sɛgira anu kɔma kilɛ la wulɛ rɔ tun alako anu ni Mohabu anubɛ Idɔm nyamanɛnu masangba. Anu ke Anɔn bɛ ma, anu ya anu daga makɛ nyɔ. Anu ma don Mohabu nyamanɛ worɔ bawo bɛ wo, Mohabu kɛnuna nyamani-dan le wo la.