Yasowa 11:6 - ALLALA KUMƐ

⁶ Mari ya a fɔ Yasowa ye ko, “I kana kilan mɔgɛ kɛnu na. N si mɔgɛ kɛnu don wo bolo. Yanni kɛ-nyɔgɔn-tumɛ sina, anu bɛɛ si faga. Wo ni anuna soeenu kin-kɔma-fasɛnu natɛgɛ ka anuna kirindinu mintan.”

Yasowa 11:6 ပူးပေါင်းရင်းမြစ်များ

2 Samuwɛli 8:4

Kɛlɛ-dan minnu bi soeenu naburila, Mansa Dawuda ya wonu mɔgɔ waga kelen anubɛ mɔgɔ kɛmɛ wɔrɔnfila (1,700) bira. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

2 Mansɛnu 6:16

Nɛbi Ilaisa ya a fɔ a ye ko, “I kana kilan. Mata kɛlɛ-dannu siya anuta kɛlɛ-dannu ko.”

2 Ko-Kɔrɔta-Karan 20:16

Anu tenbi yɛlɛla Sisiya kɔnkɔ-gbɛran rɔ sina, wo ni ta bui anu ma. Wo si anu taran folo-kunyɛ la min bi tala wula-da-rakolɔn wara la Yɛruyɛli soe dafɛ.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Hɛnkilimaya-Kumɛnu 20:7

Mɔgɔ-latelennɛla dan si sewa bawo a fa tagamanta telenbagayɛ rɔ.

Aiseya 30:16

Yanni wo ni wo ma, wo miriya bɛnnɛ ma fenfen ma fɔ ka wo sigi wola so-latirimɛnu na, ado wo ma foni. A ye nala a labanna wo le ma gben! Wola soee wonu ya anu buri nya-wo-nya, wo gbennɛnu bi anu burila wonu ko.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Isikiyɛli 39:9

Mɔgɛ minnu siginɛ Isirɛla nyamanita soenu tɔ, wonu si anu yogenuna kɛlɛ-miran matɔnbɔn ka anu ma anuna sɔgɛnu na. A nɛgɛ-walan wo, a kalabɛn wo, a tanba wo, a gbeleka-kundi wo, anu si wonu ma anuna gba-don-sɔgɛnu na. Wonu sinkannu nadɛnnɛ si to anu bolo san wɔrɔnfila kɔrɔ.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Yasowa 11:5

Mansɛ wo dama ya anu daga makɛ Mɛrɔm yi dafɛ Isirɛla mɔgɛnu faga-koe la.

Yasowa 11:7

Woletɔ Yasowa anubɛ ala kɛlɛ-dannu tara ka anu natɛrɛna anu kɛlɛ tinɛ Mɛrɔm yi dafɛ.

Yasowa 11:9

Yasowa ya a ma iko Mari ya a fɔ a ye nya min ka anuna soeenu kin-kɔma-fasɛnu natɛgɛ ka anuna kirindinu mintan.

Yasowa 3:5

Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”

Kɛlɛ-Kurugbɛnu 7:9

Wulɔn suyi rɔ, Mari ya a fɔ Kidiyɔn ye ko, “Wo ni wo lasɔ. Wo ni ta Midiyan kɛnu kɛlɛ anu daga makɛ tinɛ. N si anu don wo bolo tɔ.

1 Samuwɛli 11:9

Anu ya anu sara kilayɛ wonu na tun ko, “Wo ta a fɔ Yebɛsi kɛnu ye ko yanni sina tele-latelen-wati, anu kun bara ka.” Kilayɛ wo lakera anu ma tumɛ min, anu damasi nyagalenta.