Yasowa 11:4 - ALLALA KUMƐ

⁴ Mansa-siyamɛ wonu nara anuta kɛlɛ-dannu na anu bolo min dan ti ban lɔnna. Anu nara anuna kirindinu na anu bolo.

Yasowa 11:4 ပူးပေါင်းရင်းမြစ်များ

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 32:12

Kɔnɔ i ya a fɔ ko i si ko-nyimɛ kɛ n ye serr, ka n bɔnsɔn siyaya iko ba-kɛnkɛn ye nya min.”

2 Samuwɛli 17:11

Nde, Husayi si min fɔ wo ye worɔ, i ni kilayɛ lata Isirɛla tonko nanɛ bɛɛ rɔ ko anu ni anu kundɛn kan-tina-kelen. Wo si a ma, ma ni siyaya iko ba-kɛnkɛn. Ma wa wuli tala kɛlɛ rɔ, ile Abasalɔm nyɛrɛ-nyɛrɛ si sɔ ma yarɔ.

1 Mansɛnu 4:20

Kɛ wati rɔ, Yuda nyamanita-mɔgɛnu anubɛ Isirɛla nyamanita-mɔgɛnu siya iko ba-kɛnkɛn. Anu sewanɛ bɛrɛkɛ! Anu bi fen-dɔn anubɛ tolɔn kun na.

Yaburi 20:8

Mɔgɛ wonu ta si mɔlɔkɔn anu kɔrɔ kɔnɔ male si ma lawuli ka ma sɔ gben!

Yasowa 11:5

Mansɛ wo dama ya anu daga makɛ Mɛrɔm yi dafɛ Isirɛla mɔgɛnu faga-koe la.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.