Yasowa 11:23 - ALLALA KUMƐ

²³ Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.

Yasowa 11:23 ပူးပေါင်းရင်းမြစ်များ

Nihɛmaya 9:24

Wo kɔma, anu ya Kenan nyamanɛ bi, ado mɔgɛ min siginɛ nyɔ, anu ya wonu nɔ bɛrɛbɛrɛkɛ! I ya a ma, ila mɔgɛnu ya Kenan nyamanɛ nɔ-fanka sɔrɔn wo kɔma, ka anu sakorɔ-koe kɛ anubɛ anuna mɔgɛnu na.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Bɔ-Koe-Iyipiti 34:11

N bi min bɛɛsi fɔla wo ye bi, wo ni wonu ma. N si Amoranu anubɛ Kenannu anubɛ Hɛtinu anubɛ Perasanu anubɛ Hefanu anubɛ Yebusinu gben wo yarɔ.

Isikiyɛli 45:8

Ni nyɔ tora mansɛ ye, wo si a ma, a ti a mɔgɛ toenu yakɔrɔ-mamɔ tun dugila ko la. Nyamanɛ toe si to Isirɛla bɔnsɔn-mɔgɛ toenu ye.

Tɔn-Fɔɛ-Fila-Nyɔgɛ 1:38

Woletɔ Mari ya a fɔ n ye ko n ni n madɛnbɛnɛ, Nunna dan Yasowa bi ka a yisi ragbɛlɛya alako a ni sɔ n gbɛ rɔ. Anu ba wuli tala nyamanɛ wo rɔ tumɛ min, ale si ma mɔgɛnu yarɔ-sɔlɛ la.

Tɔn-Fɔɛ-Fila-Nyɔgɛ 25:19

Wota Mari Alla wa ban wo yogenu kɛlɛla ka wo sigi lanyiri-nyamanɛ rɔ yisi-kimɛ rɔ tumɛ min, wo kana nyina Amalɛkinu kɛlɛ-koe la. Wo ni ta anu kɛlɛ ka anu nato dogbe!”

Yasowa 11:18

Yasowa mɛra wo mansɛnu kɛlɛla wati-yan kɔrɔ kɔnɔ a ya anu bɛɛsi bira ka anu damasi faga,

Yasowa 12:7

Yasowa anubɛ Isirɛla mɔgɛnu ya soe minnu nɔ, wo dabirɛ le Beyali-Kadi soe ma min bi Lɛbanan lɛɛ rɔ ka ke Helaki kɔnkɛ ma min bi dugu la, Idɔm nyamanɛ da kɔrɔ. Yasowa ya nyamanɛ kɛnu fara Isirɛla bɔnsɔn kɔnɔntɔ ani a talɛ tɛma.

Yasowa 18:10

Yasowa ya nyamanɛ wo ratala bɔnsɔn wɔrɔnfilɛ wonu na koron-nakɛ fɛ iko a di Mari ye nya min.

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!