Yasowa 11:17 - ALLALA KUMƐ

¹⁷ Ka a dabira Halaka kɔnkɛ ma dugu la Idɔm soe da kɔrɔ, ha ka ta ke Beyali-Kadi soe ma kantɔ Lɛbanan lɛɛ rɔ Hɛrɔman kɔnkɛ kɔrɔ, Yasowa ya wo bɛɛ nɔ.

Yasowa 11:17 ပူးပေါင်းရင်းမြစ်များ

Ko-Dabirɛnu 32:3

Yakoba ya kilayɛnu nata a yarɔ a kɔrɔ-kei Isɔ ma Idɔm nyamanɛ rɔ.

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 2:1

Musa ya a fɔ kɛ kɔma ko, “Ma bɔra Kɛdɛsi, ma tara wulɛ rɔ tun. Ma bilara kilɛ do fɛ ka ta ke Kɔgɔ-Yi-Wulen bolɔn doi ma min bi tele-bɔɛ wara la iko Mari ya a fɔ n ye nya min nun. Ma dama tora yilan-yilanna Idɔm kɔnkɔ-nyamanɛ rɔ.

Tɔn-Fɔɛ-Fila-Nyɔgɛ 3:9

(Saidon kɛnu ya Hɛrɔman kɔnkɛ kele ko Siriyon. Amoranu ya ale kɔnkɛ kele ko Siniri.)

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Tɔn-Fɔɛ-Fila-Nyɔgɛ 7:24

Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

Yasowa 11:18

Yasowa mɛra wo mansɛnu kɛlɛla wati-yan kɔrɔ kɔnɔ a ya anu bɛɛsi bira ka anu damasi faga,

Yasowa 13:5

Wo ma Kiba mɔgɛnuna nyamanɛ bi wɛ. Wo ma Lɛbanan mɔgɛnuna nyamanɛ bi wɛ min dabirɛ Beyali-Kadi soe ma Hɛrɔman kɔnkɛ kɔrɔ ha ka ke Hamati kɔnkɔ-gbɛran ma,