Yasowa 11:16 - ALLALA KUMƐ

¹⁶ Yasowa ya nyamanɛ wo bɛɛ bira, dugula-nyamanɛ wo, kantɔ-nyamanɛ wo, kɔnkɔ-nyamanɛ wo, gburukuli minnu bi tele-yigi waralɛ wo, Kosɛn nyamanɛ wo, anubɛ Yorodan bɛ dafɛ-nyamanɛ bɛɛ.

Yasowa 11:16 ပူးပေါင်းရင်းမြစ်များ

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Isikiyɛli 17:23

Isirɛla kɔnkɔ-layan-bɛ, kɔni. A si a matii ka a bolon-siyaman sɔ a ma. A si gbɔ ka ma sida-kɔn-hakikɛ la. Nyɔ si ma kona-su bɛɛ sigi-tinɛ la. Anu si to anu sigila a ninɛ la.

Isikiyɛli 36:8

Kɔnɔ Isirɛla kɔnkɔrɔ-kɔlɔmanu si yanba-kun-nyimɛ anubɛ gbɔ-hakikɛnu nabɔ nta Isirɛla mɔgɛnu ye tun, ado a ti mɛ tun, Isirɛla mɔgɛnu si sɛgi anu barɛ.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 11:15

Mari ya min bɛɛsi fɔ Musa ye, Musa ara wo bɛɛ fɔ Yasowa ye nun. Yasowa ya wo bɛɛ bira iko Mari ya a fɔ Musa ye nya min.

Yasowa 11:21

Wo wati rɔ, Anakim bɔnsɔn- mɔgɛ minnu siginɛ kɔnkɔ-nyamanɛ rɔ Hiburɔn soe burɔ wo, Diba soe burɔ wo, Anaba soe burɔ wo, Yudata nyamanɛ rɔ wo, anubɛ Isirɛla kɔnkɔ-nyamanɛ mumɛ damasi rɔ, Yasowa ya wonu siyaman faga.

Yasowa 12:8

Kɔnkɔ-layan-bɛnu bi nyamanɛ kɛ tɛma. Gburukulinu bi a tele-bɔɛ wara la ka ta Yorodan lɛɛ rɔ. Donu bi a tele-yigi wara la fanan. A dugula wara la, kɛnkɛn-dugi le wo la. Yanni Yasowa anubɛ ala mɔgɛnu ni nyamanɛ wo bi, mɔgɛ minnu bi nyamanɛ kɛ rɔ nun, wo le kɛnu na, Hɛtinu, Amoranu, Kenannu, Perasanu, Hefanu anubɛ Yebusinu.

Yasowa 9:1

Mansɛ minnu bi Yorodan tele-yigi wara la anubɛ mansɛ minnu bi kɔnkɔ-nyamanɛ rɔ anubɛ minnu bi kɔgɔ-yi dafɛ ha Lɛbanan dugula wara la, wonu bɔnsɔnnu tɔgɛ le kɛnu na, Hɛtinu, Amoranu, Kenannu, Perasanu, Hefanu, anubɛ Yebusinu. Mansɛ wonu ya a lamɔɛn tumɛ min ko Isirɛla mɔgɛnu bara nɔlɛ sɔrɔn, anu ya anu nyɔgɔn nadɛn ka anu miri anu si Yasowa anubɛ ala mɔgɛnu kɛlɛ nya min.