Yasowa 11:15 - ALLALA KUMƐ

¹⁵ Mari ya min bɛɛsi fɔ Musa ye, Musa ara wo bɛɛ fɔ Yasowa ye nun. Yasowa ya wo bɛɛ bira iko Mari ya a fɔ Musa ye nya min.

Yasowa 11:15 ပူးပေါင်းရင်းမြစ်များ

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yilan-Yilan Koe 33:50

Anu bi Mohabu lɛɛ rɔ wati min, Musa ya Marita sarakanɛ kɛ latenbi Isirɛla mɔgɛnu ma ko, “Wo wa Yorodan bɛ tɛgɛ wati min ka ta Kenan nyamanɛ rɔ,

Yilan-Yilan Koe 33:52

wo ni a mɔgɛ bɛɛsi gben ka anu bɔ nyɔ feufeu! Anuna kuru-malɛsɛnɛnu anubɛ anuna nɛgɛ-ladannɛ minnu manɛ anuta bɛsɛnu na, wo ni wonu nakerikeri ka anu tatii. Wo ni anuta bɛsi-kɔ-tinɛnu fanan tinya.

Matiyu 23:23

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye yaka bɔla nako-fen-mɛsɛnu tɔ kɔnɔ wo ye wo banna karan-kolomɛnu bira-koe ma. Tɔn minnu bi iko telenbagayɛ, kinikini, anubɛ dɛnkɛninyɛ, wo bannɛ wonu ma. A bɛnta, wo ni kɛnu denu ma anubɛ wo ye doi min bɛɛ kɛla.

Luka 11:42

“Kɔnɔ gbalo ye wole Farisinu kuma bawo wo ara yaka bɔ nako-fannu tɔ kɔnɔ wo ara wo ban telenbagayɛ anubɛ Alla-keni-koe ma. A bɛnta, wo ni wonu ma le kɔnɔ wo kana wo ban a toenu fanan ma.

Kɛwɔlɛnu 20:20

Koe min bɛɛ si ma wo dɛnbɛn-koe la, n ma wo beli wo fenfen na iko wo ya a lɔn nya min. N ya kawandili bɔ ka wo karan gbɛ rɔ anubɛ wola bɔnnu na.

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 31:3

Kɔnɔ wota Mari Alla nyɛrɛ-nyɛrɛ si sɔ wo yarɔ ka ta sibolo-gbɛrɛ wonu kɛlɛ minnu bi nyɔ kaka. Wo si ta wo sigi wo yoge wonu gbɛ rɔ nyamanɛ wo rɔ. Yasowa le ye mala wota kun-tigi la iko Mari ya a fɔ nya min nun.

Tɔn-Fɔɛ-Fila-Nyɔgɛ 31:5

Wota Mari si a ma, wo si wo yogenu nɔ. Woletɔ wo ni anu bira iko n ya a fɔ wo ye nya min.

Tɔn-Fɔɛ-Fila-Nyɔgɛ 31:7

Wo kɔma, Musa ya Yasowa kele Isirɛla mɔgɛ bɛɛ yala ka a fɔ a ye ko, “I yisi gbɛlɛya ka i kerinteya bawo ile kelen pe le si ma kun-tigi la mɔgɛ kɛnu kuma. Mari ya lanyiri kiri wo benbanu ye nyamanɛ minna ko la nun, i si nyamanɛ wo tala anu tɛma ka wo sigi a rɔ.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 7:2

Wota Mari Alla wa mɔgɛ kɛnu don wo bolo tumɛ min ka anu nɔ, wobɛ mɔgɛ wonu kana ko-wo-ko lakiri wo nyɔgɔn tɛma. Wo kana kinikini anu ma fanan, fɔ ka anu damasi faga tɛrr!

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 11:12

Anu ya nyamanɛ wo bɛɛ tinya ka a mansɛ wo bɛɛ bira ka anu faga iko Nɛbi Musa ya a fɔ anu ye nya min fɔlɔn.

Yasowa 11:14

Isirɛla mɔgɛnu ya fen-nyimɛ bɛɛ bi anu nyɛrɛ ye anubɛ kolo-fannu kɔnɔ anu ya nyɔ-mɔgɛ bɛɛ faga.

Yasowa 11:16

Yasowa ya nyamanɛ wo bɛɛ bira, dugula-nyamanɛ wo, kantɔ-nyamanɛ wo, kɔnkɔ-nyamanɛ wo, gburukuli minnu bi tele-yigi waralɛ wo, Kosɛn nyamanɛ wo, anubɛ Yorodan bɛ dafɛ-nyamanɛ bɛɛ.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.