Yasowa 10:40 - ALLALA KUMƐ

^40-41 Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

Yasowa 10:40 ပူးပေါင်းရင်းမြစ်များ

1 Mansɛnu 15:29

Beyasa mɛ mansɛ la, a donta Mansa Yɛrabowamila denbayɛ fagɛ rɔ. Ni i ya a yen, Mansa Beyasa ya kɛ damasi ma bawo Mansa Yɛrabowami ya a ma, Isirɛlata Mari Alla fonde bɔra. Mansa Yɛrabowami ya hakɛ kɛ ka Isirɛla mɔgɛnu fanan nadon hakɛ rɔ. Marita kumɛ kɛ ara bɔ a la iko Nɛbi Ahaya Sailo kɛ ya a fɔ Mansa Yɛrabowami ye nya min nun.

Nihɛmaya 9:24

Wo kɔma, anu ya Kenan nyamanɛ bi, ado mɔgɛ min siginɛ nyɔ, anu ya wonu nɔ bɛrɛbɛrɛkɛ! I ya a ma, ila mɔgɛnu ya Kenan nyamanɛ nɔ-fanka sɔrɔn wo kɔma, ka anu sakorɔ-koe kɛ anubɛ anuna mɔgɛnu na.

Yaburi 9:17

Karagbɛlɛ bɛɛ si a laban kanbɛ rɔ hali minnu bi Alla bɔrɔbɔla.

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Yilan-Yilan Koe 13:17

Musa ya anu nata Kenan nyamanɛ mafɛlɛn tinɛ. A ya a fɔ anu ye ko, “Wo ta Kenan nyamanɛ mafɛlɛn ka a fɔlɔ yan ma. Wo ni wo telen Kenan dugula wara la. Wo wa bɔ nyɔ, wo ni ta kantɔ-wara la kɔnkɛnu siya kan min.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 2:34

Ma ya anuna soe bɛɛ bira-a-la ka anu halaki, kei wo, musu wo, den wo. Mɔgɔ-wo-mɔgɔ ma to a niyi la. Ma ya anu nato dogbe!

Tɔn-Fɔɛ-Fila-Nyɔgɛ 7:24

Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

Yasowa 10:35

Wo tele rɔ, anu ya soe wo bira-a-la. Anu ya wo mɔgɛ bɛɛsi faga iko anu ya a ma Lesi mɔgɛnu na nya min.

Yasowa 10:37

ka soe wo mansɛ faga anubɛ a dafɛ-soe mɔgɛ bɛɛsi. Yasowa ya soe wo mɔgɛ bɛɛsi faga iko a ya a ma Ɛkilɔn mɔgɛnu na nya min. Mɔgɔ-wo-mɔgɔ ma to a niyi la.

Yasowa 10:39

ka soe wo mansɛ anubɛ a dafɛ-so-mɔgɛnu bira ka anu faga. Yasowa ya a ma Diba mɔgɛnu anubɛ anuna mansɛ la iko a ya a ma Hiburɔn anubɛ Libina mɔgɛnu anubɛ anuna mansɛnu na nya min.

Yasowa 11:16

Yasowa ya nyamanɛ wo bɛɛ bira, dugula-nyamanɛ wo, kantɔ-nyamanɛ wo, kɔnkɔ-nyamanɛ wo, gburukuli minnu bi tele-yigi waralɛ wo, Kosɛn nyamanɛ wo, anubɛ Yorodan bɛ dafɛ-nyamanɛ bɛɛ.

Yasowa 12:8

Kɔnkɔ-layan-bɛnu bi nyamanɛ kɛ tɛma. Gburukulinu bi a tele-bɔɛ wara la ka ta Yorodan lɛɛ rɔ. Donu bi a tele-yigi wara la fanan. A dugula wara la, kɛnkɛn-dugi le wo la. Yanni Yasowa anubɛ ala mɔgɛnu ni nyamanɛ wo bi, mɔgɛ minnu bi nyamanɛ kɛ rɔ nun, wo le kɛnu na, Hɛtinu, Amoranu, Kenannu, Perasanu, Hefanu anubɛ Yebusinu.

Yasowa 18:21

Soe minnu dira Bɛnyamɛ bɔnsɔn ma, wo le kɛnu na, Yɛrikɔ, Bɛti-Hɔgala, Ɛmɛki-Kisisi,

Yasowa 6:17

Yasowa ya Mari kuman-kan latenbi mɔgɛnu ma nun ko, “Yɛrikɔ wa halaki tumɛ min, fan bɛɛ si ma Maritɛ la. Rehabi anubɛ ala mɔgɛ minnu bi ala bɔn la, wonu dɔrɔn si kisi bawo ale Rehabi ya Isirɛla mɔgɔ filɛ wonu nakisi minnu tara so lakɔrɔsi tinɛ. Wo kana fenfen bi wo nyɛrɛ ye. Ni wo ya wo ma, wo si tɔrɔyɛ lana Isirɛla mɔgɛnu kuma. Fan minnu nadannɛ wodi-gbɛ anubɛ sɛnɛ la anubɛ silɛɛ anubɛ nɛgɛ-dogbɛrɛnu na, wo bɛɛ ni di Mari ma ka to Marita fen namara tinɛ rɔ.”

Yasowa 8:2

Iko wo ya Yɛrikɔ halaki nya min anubɛ a mansɛ, wo ye a mala fanan Eyai la wo nya le. Kɔnɔ kɛ wati rɔ, wo si fen-nyimɛ bɛɛ mara wo nyɛrɛ ye anubɛ a kolo-fannu. Wo rabɛn kaka ka ta Eyai soe bira-a-la. Wo ni bɔ soe kɔma ka anu natɛrɛna.”

Yasowa 8:27

Isirɛla mɔgɛnu ya fen-nyimɛ bɛɛ mara anu nyɛrɛ ye anubɛ kolo-fannu ka bɔ soe wo burɔ iko Mari ya a fɔ Yasowa ye nya min.

Yasowa 9:24

Kibiyon mɔgɛnu ya Yasowa yabi ko, “Ma ya wo yanfa bawo ma kilannɛ ma niyi kuma. Ma ya a lɔn ko Mari Alla ara Nɛbi Musa lawuli nun ka nyamanɛ kɛ bɛɛ di ile ma ka a mɔgɛ bɛɛsi faga wo yarɔ. Woletɔ ma ya kɛ bɛɛsi ma.