Yasowa 10:26 - ALLALA KUMƐ

²⁶ Wo kɔma, Yasowa ya mansa lolɛ wonu faga ka anu furi dun kɔlɔma loli ma ha wurɛ la.

Yasowa 10:26 ပူးပေါင်းရင်းမြစ်များ

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

2 Samuwɛli 21:9

Mansɛ ya mɔgɔ wɔrɔnfilɛ wonu don Kibiyon kɛnu bolo. Anu ya wonu faga ka wonu dun kɔlɔma ma Mari yala kɔnkɛ kuma. Mɔgɔ wɔrɔnfilɛ wonu damasi fagara nya kun kelen. Kɛ mara fui-fen-kun-fɔlɔ-tɛgɛ-wati le tɔ.

Ɛsita 2:23

Anu ya kumɛ wo fɛ-bira wati min, a mara tonyɛ la, anu ya yili sɔ mɔgɔ filɛ wonu kan la ka anu dun. Mansɛ fanan ya a fɔ ko ko sifa min bara ma kɛ la, anu ni wo sɛbɛ anuna nyamani-buku rɔ.

Yaburi 149:7

anu si sibolo-gbɛrɛnu tayili sara anu tɔrɔ tinɛ.

Yaburi 18:41

Anu bi anu dɛnbɛnɛ nyinina kɔnɔ anu ma anu dɛnbɛna sɔrɔn. Hali anu ya ile Mari rakele, i ti i wɔlɔ matɔlɔ anu na.

Yilan-Yilan Koe 25:4

Woletɔ Mari ya a fɔ Musa ye ko, “I ni nta kumɛ bira ka ko-yogoma-kɛlɛnuna karan-mɔgɛ wonu faga nyama bɛɛsi yala. Ni i ya wo ma, n fonde ti to bɔla wo kuma wo rɔ.”

Matiyu 27:25

Nyama bɛɛ ya a fɔ a ye tun ko, “A faga-ko-tɔrɛ ni to male anubɛ mala dannu kuma!”

Yɔni 19:31

Nba, Yahudiyanu ya Pailɛti madiya ko anu ni mɔgɛ wonu gbɛlannu takeri ka anu furinu nayigi kɔlɔmanu ma. Anu ya wo fɔ bawo Nyima le nun. Nba, anu sa a fɛ, furinu ni to kɔlɔma ma Sulen-Tele ma. Anuna Sulen-Tele-kolomɛ le wo la anu bolo.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Yasowa 8:29

A ya Eyai mansɛ dun kɔlɔma la ha wurɛ la. Tele mayigira tumɛ min, Yasowa ya a fɔ mɔgɛnu ye ko, “Wo ni a layigi ka bɔ kɔlɔma la ka a furi sa tarɛ dɛ la. Wo ni kuru-kundinu nadɛn a kuma.” Anu ya a ma iko Yasowa ya a fɔ anu ye nya min. Ha bi, wo ye nyɔ.

Kɛlɛ-Kurugbɛnu 8:21

Mansa filɛ wonu ya a fɔ Kidiyɔn ye ko, “Ile le nyɛrɛ-nyɛrɛ ye ma fagala bawo kina si kinaya-wɔlɛ le kɛ.” Kidiyɔn ya anu faga. A ban anu fagala, yɔlɔkɔ-kinyɛ minnu bi anuna nyomɛnu kan la, a ya wonu bi.

1 Samuwɛli 15:33

Kɔnɔ a ke Samuwɛli ma, wo ya a fɔ ale mansɛ ye ko, “Musi siyaman bara foo anuna dannu na ila faan la nya min, ile fanan, i na foonɛ si to ala dan la wo nya na le.” Samuwɛli ya Mansa Ekaki wo kundu bɔ saraka-mintan-tinɛ dafɛ Kiligali nyɔ.