Yasowa 10:11 - ALLALA KUMƐ

¹¹ Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Yasowa 10:11 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

Yobu 38:22

Banda-kolenu namaranɛ n bolo kan min, i wara ke nyɔ nun? Yi-kole la si dɛn kan min, i ya nyɔ lɔn?

Yobu 38:23

Wonu namaranɛ n bolo tɔrɔya-watila ko la. Anu tabɛnnɛ kɛlɛ-kɛ-watila ko la.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 147:17

A si banda-kole layigi iko mɔgɔ wa wasakɔrɛ fui. A ye kimɛ min nanala, wo ti kun mɔgɔ rɔ.

Aiseya 28:2

Mari ara ban sibole do yisi-kɔrɔ tugula anu kɛlɛ-koe la. Wonu si na anu magbenna iko fɔn-belebele-wɛ, ado wonu si nyamanɛ mumɛ makɔ iko gboron-gboronna-yi.

Aiseya 28:21

Mari ko a si kɛlɛ kɛ iko a ya kɛlɛ kɛ Pɛrasim kɔnkɛ ma Kibiyon lɛɛ rɔ nya min alako ata miriyɛ ni ma, hali hadama-den ma wo nya-yen. Hali ata wɔli-nya makawara nya-wo-nya, a si a ma tun!

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Isikiyɛli 13:11

Ile hadama-dan, a fɔ foninya-wɔlɔyiya-kuma-fɔlɛ wonu ye ko anuna tara-mabɛnnɛ wo si bui. A fɔ anu ye ko n si banda-belebele-wɛ lana tarɛ wo ma. Banda-kole si a yoro. N si fɔnyɔ latugu a ma.

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!

Kɛlɛ-Kurugbɛnu 5:20

Hali san-kole ya ma dɛnbɛ Sisara kɛlɛla bawo wan-takɛ ya ma dɛnbɛ.