Yasowa 10:1 - ALLALA KUMƐ

¹ Yasowa ya Eyai soe anubɛ a mansɛ nɔ ka a halaki iko a ya a ma Yɛrikɔ soe anubɛ a mansɛ la nya min. Yerusalɛm mansɛ min tɔgɛ Mansa Sɛdiki, wo ya wo bɛɛ lamɔɛn. A ya a lamɔɛn fanan ko Isirɛla mɔgɛnu bara lanyiri kiri Kibiyon mɔgɛnu ye ko anu ti anu kɛlɛ. A ya a lamɔɛn fanan ko Kibiyon mɔgɛnu bi Isirɛla mɔgɛnu ninɛ kɔrɔ.

Yasowa 10:1 ပူးပေါင်းရင်းမြစ်များ

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

Hiburunu 7:1

Mɛlikisidaki ye so-tigiyɛ le la Selam soe burɔ nun. A ye saraka-masɔlayɛ fanan na Alla ye, Alla Min Bi Fan Bɛɛ Kun Na, kɔni. Ma benba Iburayima bɔnɛ mansɛ doinu nɔ tinɛ kɛlɛ rɔ, anubɛ Mɛlikisidaki bɛnta kilɛ la. Ale Mɛlikisidaki duwara Iburayima ye.

Yasowa 10:3

Mansa Sɛdiki min bi Yerusalɛm, wo ya kilayɛ lata mansɛ kɛnu ma, Hiburɔn mansɛ min tɔgɛ Hoham, Yaramuti mansɛ min tɔgɛ Piram, Lesi mansɛ min tɔgɛ Yafaya, anubɛ Ɛkilɔn mansɛ min tɔgɛ Debiri.

Yasowa 6:21

Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

Yasowa 8:2

Iko wo ya Yɛrikɔ halaki nya min anubɛ a mansɛ, wo ye a mala fanan Eyai la wo nya le. Kɔnɔ kɛ wati rɔ, wo si fen-nyimɛ bɛɛ mara wo nyɛrɛ ye anubɛ a kolo-fannu. Wo rabɛn kaka ka ta Eyai soe bira-a-la. Wo ni bɔ soe kɔma ka anu natɛrɛna.”

Yasowa 8:21

Yasowa anubɛ ala mɔgɛnu ya a yen tumɛ min ko anu ya soe bira ka tɛ tugu a la, anu sɛgira ka Eyai mɔgɛnu faga.

Yasowa 9:3

Kɔnɔ Hefa do minnu bi Kibiyon soe burɔ, wonu ya a lamɔɛn min bara ma Yɛrikɔ anubɛ Eyai soenu na Yasowa bolo tumɛ min,