Yasowa 1:7 - ALLALA KUMƐ

⁷ I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 1:7 ပူးပေါင်းရင်းမြစ်များ

1 Mansɛnu 2:2

“N bi tala duninya-mɔgɛ bɛɛsi ta tinɛ le kɛ la. Wola ko la, i sɛbɛ don ka i kerinteya.

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

1 Ko-Kɔrɔta-Karan 22:13

Mari ya tɔn min bɛɛsi di Nɛbi Musa ma, ni i ya wonu bira, i wara-koe si ta yarɔ. I yisi gbɛlɛya ka i kerinteya. Fenfen kana a ma, i ni kilan.

2 Ko-Kɔrɔta-Karan 15:7

Kɔnɔ wo ni wo yisi gbɛlɛya ka wo kerinteya. Wo ya ko-nyima wo ko-nyima ma, wo si wo tɔnɛ sɔrɔn.”

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

Yobu 1:8

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma.”

Yaburi 80:19

E, Mari Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Hɛnkilimaya-Kumɛnu 4:27

I ni ko-yogoma-kilɛ masangba ka ta kila-telennɛ fɛ. Hali kin-fa-nya kelan, i kana a bɔ telenbagaya-kilɛ fɛ.

Hɛnkilimaya-Kumɛnu 8:20

N bi tagamana telenbagɛnuna kilɛ le fɛ. N bi lafisaya-kilɛ le ma.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Yilan-Yilan Koe 27:23

Musa ya a bole sa Yasowa kun tɛma ka a dantɛgɛ Mari ma. A ya a fɔ Isirɛla mɔgɔ damasi ye ko, “Wo ara Yasowa kɛ yen? Kɛ le nde, Musa gbɛ rɔ gbɛ, yɔ!”

Tɔn-Fɔɛ-Fila-Nyɔgɛ 11:8

“N ya tɔn kɛ min damasi di wo ma bi, wo ni wonu bira. Ni wo ya wo ma, wo si ke le Yorodan bɛ tɛgɛla worɔ ka ta nyamanɛ wo bi, wo ye tala sigila kan min.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 28:14

Kɔnɔ Mari ko wo kana ata tɔn tinya doni-bɛrɛni! Wo kana bɛsɛnu kɔ hali ka wo niyi sa anu kuma.”

Tɔn-Fɔɛ-Fila-Nyɔgɛ 29:8

Ma ya anuna nyamanɛ bi anu bolo ka a ratala bɔnsɔn filɛ anubɛ bɔnsɔn-talɛ tɛma, Rubɛn bɔnsɔn wo, Kadi bɔnsɔn wo, anubɛ Manasa bɔnsɔn tɔnkɔn kelan tɛma.

Tɔn-Fɔɛ-Fila-Nyɔgɛ 29:9

“Wo si tɔn bɛɛ bira lanyiri kɛ rɔ, woletɔ koe bɛɛ si ta a kilɛ fɛ wo bolo.

Tɔn-Fɔɛ-Fila-Nyɔgɛ 31:7

Wo kɔma, Musa ya Yasowa kele Isirɛla mɔgɛ bɛɛ yala ka a fɔ a ye ko, “I yisi gbɛlɛya ka i kerinteya bawo ile kelen pe le si ma kun-tigi la mɔgɛ kɛnu kuma. Mari ya lanyiri kiri wo benbanu ye nyamanɛ minna ko la nun, i si nyamanɛ wo tala anu tɛma ka wo sigi a rɔ.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Yasowa 1:1

Mari Allata wɔli-kɛla Nɛbi Musa fagara tumɛ min, Nunna den Yasowa min bi ale dɛnbɛna nun, wo sigira a gbɛ rɔ. Nɛbi Musa fagara tumɛ min, Mari kumara Yasowa ye ko,

Yasowa 1:8

I ni i miri nta tɔnnu ma ka i hɛnkili to wonu ko su-ni-tele. Minnu sɛbɛnɛ tɔn kɛ rɔ, i ni a ma i fɛrɛma wo bɛɛla ko la. Ni i ya wo ma, i wara-koe si sabati.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Yasowa 11:15

Mari ya min bɛɛsi fɔ Musa ye, Musa ara wo bɛɛ fɔ Yasowa ye nun. Yasowa ya wo bɛɛ bira iko Mari ya a fɔ Musa ye nya min.

Yasowa 23:6

“Wo ni a ma wo fɛrɛma ka tɔn wo bɛɛsi bira min sɛbɛnɛ Musata tɔn-kitabu rɔ. Wo kana wo bɔ tɔn kɛnu fɛ hali!