Yasowa 1:5 - ALLALA KUMƐ

⁵ Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 1:5 ပူးပေါင်းရင်းမြစ်များ

Ko-Dabirɛnu 39:2

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

1 Mansɛnu 1:37

Iko Mari tora i fɛ nya min, alamɛ a tora ila den Silamɛni fɛ wo nya na le ka ala mansayɛ lasabati ka tenbi itɛ la.”

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

1 Mansɛnu 6:13

ado n si to nta Isirɛla mɔgɛnu fɛ. N ti anu boloka muk!”

1 Mansɛnu 8:57

Alamɛ mata Mari kana ma boloka dɛɛ! A ni to ma fɛ iko a tora ma benbanu fɛ nya min.

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Yɛrɛmaya 1:8

A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Daniyɛli 11:16

Siriya kɛlɛ-dan wonu si anu kɛlɛ iko a di anu ye nya min, hali anu ma tɔrɔ. Anu si Isirɛla lanyiri-nyamanɛ wo bira-a-la ka a bi anu bolo.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Tɔn-Fɔɛ-Fila-Nyɔgɛ 4:31

a si kinikini wo ma worɔ. A ti wo boloka, a ti wo halaki. Anubɛ wo benbanu ya sarama-kan min kiri, a ti nyina wo ko.

Tɔn-Fɔɛ-Fila-Nyɔgɛ 7:24

Mari si a mansɛnu don wo bolo ka anu faga. Anu tɔgɛ ra si de ka tunu yen! Mɔgɔ-wo-mɔgɔ ti ke kilɛ tɛgɛla wo ma. Wo si anu dama faga tɛrr!

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

Yasowa 1:17

ado ma si ila kumɛ bira iko ma ya Nɛbi Musatɛ bira nya min. Mari Alla ni to i fɛ iko a tora ale fɛ nya min nun.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Yasowa 10:8

Mari ya a fɔ Yasowa ye ko, “I kana kilan bawo n bara mɔgɛ wonu don wo bolo. Hali mɔgɔ kelen ti sɔ wo yarɔ ka wo nɔ.”

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 3:7

Mari ya a fɔ Yasowa ye ko, “N si koe min ma bi, wo si a ma, Isirɛla mɔgɛnu ni i gbiliya tun nta kabana-koe fɛ. Anu si a lɔn ko n bi ile fɛ iko n taranta Musa fɛ nya min.

Yasowa 6:27

Mari ye Yasowa fɛ. A ya min bɛɛ ma, a tɔgɛ wo tara pɔn!

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.