Yasowa 1:11 - ALLALA KUMƐ

¹¹ “Wo ni dɔn-fannu tabɛn. A tele sawa nyɔgɛ ma, wo si wuli ka Yorodan bɛ tɛgɛ. Mata Mari Alla ya nyamanɛ min di ma ma, ma ni ta nyɔ rɔ.”

Yasowa 1:11 ပူးပေါင်းရင်းမြစ်များ

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Hoseya 6:2

Tele fila, sawa wa tenbi tumɛ min, ma si fisaya. Wo kɔma, ma si taran ma kɛndɛ la Mari fɛ.

Tɔn-Fɔɛ-Fila-Nyɔgɛ 11:31

A ara to doni, wo ni Yorodan bɛ tɛgɛ ka ta wo sigi lanyiri-nyamanɛ rɔ. Wo wa ban nyamanita-mɔgɛ wonu kɛlɛla tumɛ min ka wo sigi-bole rabɛn,

Tɔn-Fɔɛ-Fila-Nyɔgɛ 3:18

“Wo wati nyɛrɛ rɔ, n ya a fɔ bɔnsɔn filɛ anubɛ a talɛ ye ko ma Mari Alla ya a ma, anu bara Yorodan-bɛ-kɔmɛ kɛ sɔrɔn tele-bɔɛ wara la. Anu ni a ma, anuna kɛlɛ-dannu ni anu tabɛn ka wuli. Yanni bɔnsɔn-toenu ni bɛ tɛgɛ, anu fɔlɔn ni bɛ tɛgɛ. N ko anu ni ta anu na-kelen-nyɔgɛnu dɛnbɛ kɛlɛ-kɛ-tinɛ.

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Yasowa 1:10

Yasowa ya a fɔ kun-tiginu ye ko anu ni ta kumɛ kɛ latenbi mɔgɛnu ma ko,

Yasowa 1:2

“Nna wɔli-kɛla Musa ara so-sɛgi-kɛ nyina. Wobɛ Isirɛla mɔgɛnu ni wo rabɛn kaka ka Yorodan bɛ kɛ tɛgɛ. N bi nala nyamanɛ min dila wo ma, wo ni ta wo rɔ.

Yasowa 3:2

Tele sawa wo kɔma, kun-tiginu ya a fɔ mɔgɛnu ye ko,