Yaburi 98:4 - ALLALA KUMƐ

⁴ Mɔgɛ bɛɛ ni bɛti bɔ Mari ye sewɛ la duninya rɔ. Bɛɛ ni a matɔgɔ-bɛti bɔ nya-kun-kelen.

Yaburi 98:4 ပူးပေါင်းရင်းမြစ်များ

Yaburi 100:1

Duninya dugu-kolo-mɔgɛ bɛɛ ni tantoli-bɛti bɔ Mari ye.

Yaburi 66:1

Mɔgɛ bɛɛ ni a lawɔyɔ ka Alla tanto.

Yaburi 66:4

A fɔ a ye fanan ko duninya-mɔgɛ bɛɛ ye a batola. Anu bi tantoli-bɛtinu bɔla a ye ka a tɔgɛ tanto fanan.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Yaburi 71:22

N si sɔrɔn fɔ i matɔgɔ tinɛ. Nta Alla, n si i tanto ita lanayɛla ko la. Ile min sɛnima Isirɛla nyamanɛ mumɛ rɔ, n si nna sɔrɔn fɔ ka bɛtinu bɔ i ye.

Yaburi 95:1

Wo na, ma ni Mari matɔgɔ. Ma ni sewa-bɛtinu bɔ Alla ye, ma latankalɛ, kɔni.

Yaburi 95:2

Ma ni sɔ a yakɔrɔ baraka-birɛ la ma bolo ka tantoli-bɛtinu bɔ a ye sewɛ la.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 42:11

Kɛn-dugi nyamanita-mɔgɛ bɛɛ ni Alla matɔgɔ! Wole Kida kɛnu, wo ni a matɔgɔ! Wole minnu siginɛ Sela soe burɔ, wo ni wo dɛ sa-a-rɔ sewɛ bolo kɔnkɛnu kuma!

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Sɛfanaya 3:14

E, wole Isirɛla mɔgɛnu, wo kulu-mayɛlɛnɛ ni sigi sa ka nyagalen wo yisi rɔ! Wole Yerusalɛm kɛnu, wo ni nyagalen wo yisi bɛɛ la.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Lankɛnimayɛ 19:1

Wo kɔma, n ya kuman-kan do lamɔɛn iko sɛrɛ-siyaman-wɛ-kan Arinyɛni tɔ. Anu bi a fɔla ko, “Alla tanto! Mata Allatɛ le kisi-koe anubɛ gbiliyɛ anubɛ sɛnbɛ la!

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!