Yaburi 98:2 - ALLALA KUMƐ

² Mari ya ata nɔ-koe labɔ gbɛ rɔ. A ya a ma, sibole bɛɛ ya ala kanan-koe yen.

Yaburi 98:2 ပူးပေါင်းရင်းမြစ်များ

Yaburi 22:31

Hali minnu ma sɔrɔn bɛ, wonu si a lamɔɛn ko, “Ma tigi ara ala mɔgɛnu kisi.”

Yaburi 24:5

Mari si ata duwɛ layigi anu kuma ka anu kisi. Alla si a fɔ ko fɛɛ sa anu na.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Aiseya 62:2

Ile Yerusalɛm, sibolenu si ita nyimayɛ yen. Mansɛ bɛɛ si ita gbiliyɛ yen. Wo wati rɔ, i si tɔgɔ-kurɛ sɔrɔn. Mari nyɛrɛ le ye i tɔgɔ-kurɛ wo sala.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Maraka 16:15

A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Luka 3:6

Wo si a ma, mɔgɛ bɛɛ si Allala kisi-koe yen!’ ”

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 10:18

Kɔnɔ n ni nyinikalɛ kɛ. Yahudiyanu ya sarakanɛ kɛ lamɔɛn, ba? Tonyɛ le, anu ya a lamɔɛn. Iko a sɛbɛnɛ Allala kitabu rɔ nya min ko, “Sarakanɛ kɛ kera duninya kan tinɛ bɛɛ rɔ. A kera ha duninya dan la.”

Romu 9:30

Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.