Yaburi 98:1 - ALLALA KUMƐ

¹ Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Yaburi 98:1 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 136:4

Ale le kelen pe si ke kabana-koenu nadanna. Ala keninteyɛ dan sa.

Yaburi 139:14

N si baraka bira i ye ka a tɛgɛ n nadan-bole ma, ado n nadan-bole makawara. Ila ko-ladan-bole bɛɛ makawara. N ya wo lɔn n yisi bɛɛ la.

Yaburi 149:1

Bɛɛ ni Mari tanto. Wo ni bɛti-kurɛ bɔ Mari ye. Ala lanaya-mɔgɛnu na ni dɛn ka a tanto.

Yaburi 33:3

Wo ni bɛti-kurɛnu bɔ a ye. Wo ni mɔlɔnɛ tɛgɛ sɔrɔn fɔ tinɛ. Wo ni a lawɔyɔ sewɛ bolo.

Yaburi 72:18

Ma si Isirɛlata Mari Alla tanto. Ale le kelen pe ye kabana-koe kɛ dama mala.

Yaburi 77:14

Ile le ye Alla wo la min si kabana-koenu kɛ. I ya i nyɛrɛta sɛnbɛ yira sibolo-gbɛrɛnu na.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Yaburi 96:1

Wo ni bɛti-kurɛ bɔ Mari ye. Duninya mumɛ bɛɛ ni bɛti bɔ Mari ye.

Yaburi 96:3

Alla gbiliyanɛ nya min anubɛ a ye kabana-koe minnu mala, wo ni wonu fɔ duninya-mɔgɛ bɛɛ ye.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Aiseya 12:5

Wo ni bɛtinu bɔ Mari ye ka a tɛgɛ kabana-koenu ma a ara minnu ma wo ye. Wo ni a ma, duninya mumɛ bɛɛsi ni a mankan lamɔɛn.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 63:5

A ko a ya a kolan lakalan kɔnɔ a ma a dɛnbɛna fenfen yen. A ara tɛrɛna, a ma mɔgɔ-den-kelen yen min si a dɛnbɛ. Woletɔ a ko a nyɛrɛta fondo-bɔɛ ya a sɛnbɛ don. A ko a nyɛrɛ kɔɛn le ya a ma, a ya nɔlɛ kɛ.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Luka 1:49

bawo Alla Sɛnbɛ Bɛɛ Tigi ara ko-ba ma n ye. A tɔgɔ sɛnima.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 19:20

Marita kumɛ tora nyɛnsɛnna ka koloya sɛnbɛ-ba la wo nya.

Kɛwɔlɛnu 2:11

Yahudiya anubɛ sibolo-gbɛrɛ minnu bi Yahudiyanuna dina rɔ, wonubɛ ma ta-nyɔgɛnu bɔra Kariti anubɛ Arebiya nyamanɛnu tɔ. Hali wo, anu bi Allala kabana-ko-wɔlɛ fɔla min kɛ, ma ye wo lamɔɛnna ma nyɛrɛta kannu tɔ.”

Kɔlɔsi 2:15

Nyina-kun-tiginuna sɛnbɛ wo, fanka-tiginuna sɛnbɛ wo, Kirasiti ya wo bɛɛ tinya kɔlɔma ma wulɔn le. A ya anu nayarabi ka a lagbɛ ko a ara anu nɔ feu!

Lankɛnimayɛ 14:3

Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Lankɛnimayɛ 6:2

N ya so-gbɛ do yen. Min siginɛ a kuma, kalabɛn ye wo bolo. Alla ya mansaya-fulɛ di wo ma. A bɔra iko mɔgɛ min duruta nɔlɛ kɛla.