Yaburi 97:3 - ALLALA KUMƐ

³ Tɛ ye tala a yarɔ ka a yogenu mintan kan tinɛ bɛɛ rɔ.

Yaburi 97:3 ပူးပေါင်းရင်းမြစ်များ

Yaburi 18:8

A fonde bɔnɛ min kɛ, a mara iko ta-sisi ye bɔla a sunyɛ rɔ. A mara fanan iko ta-wɔlɔn le a karɛ rɔ. Wo damasi mara bawo a fonde bɔnɛ.

Yaburi 18:9

A ya san-kole rafara. A yigira ka sɔ banda-finyɛ kuma.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Isikiyɛli 1:4

N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Habakuku 3:5

I si kiraya-fitinɛ lata i yarɔ. Sayɛ si ile sagaran.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Tɔn-Fɔɛ-Fila-Nyɔgɛ 4:11

“Wo ni a fɔ wola dannu ye ko wo tumɛ wo sɔnɛ Sinayi kɔnkɛ kɔrɔ, Mari ya Sinayi kɔnkɛ yamatogon banda-fin-digidigi-wɛ anubɛ ta-sisi-fin-bɛ la anubɛ ta-mɛlan min bi yɛlɛla fɔ san-kole.

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 5:4

Mari kumara wo ye gbɛ rɔ ta-mɛlan rɔ kɔnkɛ kuma nun iko mɔgɛ si kuma a ta-nyɔgɛ ye nya min.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.