Yaburi 96:8 - ALLALA KUMƐ

⁸ Wo ni Mari tanto a tɔgɔ-gbiliyanɛla ko la. Wo na kɔ-fannu na wo bolo a bato tinɛ.

Yaburi 96:8 ပူးပေါင်းရင်းမြစ်များ

Yaburi 100:4

Min tenbi donna Bato-Bon-kata burɔ, wo ni baraka bira a ye. Wo ni baraka bira a ye ka a matɔgɔ.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 29:2

Wo ni a tɔgɔ gbiliya iko a bɛnta, a ni gbiliya nya min. Ale wa na, wo ni wo madu a kɔrɔ ka a bato.

Yaburi 45:12

Taya so-burɔ-mɔgɛnu si na i fandɛnu na. A nɔnfulu-tiginu si a ma, wo ni to kan kelen tɔ.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Isikiyɛli 46:3

Sulen-Tele wo Sulen-Tele, Karɛ-Tele Fɔlɔ wo Karɛ-Tele Fɔlɔ, mɔgɛnu si anu madu ka Mari bato tenbi-bolɔn wo kɔrɔ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”