Yaburi 96:2 - ALLALA KUMƐ

² Mɔgɛ bɛɛsi ni bɛti bɔ Mari ye ka a tanto. A ye ma lakisila nya min, wo ni to wo rakaranna tuma-wo-tuma.

Yaburi 96:2 ပူးပေါင်းရင်းမြစ်များ

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 145:1

E, nna mansɛ Alla, n si i makawa-nya lawanka mɔgɛnu ye. N si to i tantola habadan!

Yaburi 145:10

Mari, ila fen-nadannɛ bɛɛ si i matɔgɔ. Ila mɔgɛ bɛɛ si baraka bira i ye.

Yaburi 145:2

Tele-wo-tele, n si baraka bira i ye. N si i tɔgɛ gbiliya burubukai!

Yaburi 40:10

I ya ma lakisi nya min, n ma wo fɔɛ dogon n yisi rɔ. I ya ma dɛnbɛ nya min, n tora wobɛ ila lanayɛ wara-koe rakaranna mɔgɛnu ye. N tora ita lanayɛ anubɛ ila keninteya-dannatɛgɛbɛlɛ wara-koe fɔla ita mɔgɛnu ye ladɛn-wɛ rɔ. N ma n tade muk!

Yaburi 71:15

N si ila wɔli-nyimɛ rakaran. Telen-gbɛn, n bi kumala ila kisi-koela ko la hali a tenbinɛ nna lɔnnɛ la.

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Maraka 16:15

A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Lankɛnimayɛ 5:13

Dali-fan minnu bi san-kole rɔ wo, minnu bi dugu-kole kuma wo, minnu bi dugu-kole kɔrɔ wo, minnu bi kɔgɔ-yi rɔ wo, anu bi a fɔla ko, “Ale min mayiginɛ mansaya-sigi-fan rɔ, alamɛ tantolɛ anubɛ bonyɛ anubɛ gbiliyɛ anubɛ sɛnbɛ-ba dira ale anubɛ saga-dan ma habadan!”