Yaburi 96:13 - ALLALA KUMƐ

¹³ Mari wa na kiti tɛgɛ tinɛ lunyɛ min, kɔni. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 96:13 ပူးပေါင်းရင်းမြစ်များ

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 22:10

A ya a fɔ n ye fanan ko, “I kana wɔlɔyiya-kumɛ kɛnu ma gbundu-koe la bawo koe kɛ bɛɛ kɛ-tumɛ ara gbɛrɛn.