Yaburi 95:1 - ALLALA KUMƐ

¹ Wo na, ma ni Mari matɔgɔ. Ma ni sewa-bɛtinu bɔ Alla ye, ma latankalɛ, kɔni.

Yaburi 95:1 ပူးပေါင်းရင်းမြစ်များ

2 Samuwɛli 22:47

“Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta n ni ale matɔgɔ!

1 Ko-Kɔrɔta-Karan 16:9

Wo ni baraka-bira-bɛtinu bɔ Mari ye. A ara kabana-koe min bɛɛsi ma wo ye, wo ni wonu takaran.

2 Ko-Kɔrɔta-Karan 20:28

Anu ke Yerusalɛm soe burɔ, anu dama tara Bato-Bɔn kata burɔ, fɔli-fannu kɛnɛ a rɔ anu bolo, a sɔrɔn wo, a serema wo, a buru wo.

Yaburi 100:1

Duninya dugu-kolo-mɔgɛ bɛɛ ni tantoli-bɛti bɔ Mari ye.

Yaburi 101:1

E, Mari, n si bɛti bɔ ila keninteyɛ anubɛ telenbagayɛ wara-koe la. N si tantoli-bɛti bɔ i ye.

Yaburi 107:15

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu kɛ anu ye.

Yaburi 107:21

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu kɛ anu ye.

Yaburi 107:8

Fɔ anu ni baraka bira Marita keninteya-dannatɛgɛbɛlɛla ko la anubɛ a ya kabana-koe minnu ma anu ye.

Yaburi 117:1

Wole sibolo bɛɛsi ni Mari matɔgɔ! Mɔgɛ bɛɛ ni ale le matɔgɔ.

Yaburi 118:1

Baraka bira Mari ye bawo a nyimayanɛ. Ata keninteyɛ ti ban mumɛ!

Yaburi 150:6

Min bɛɛ ye a niyi lafɛla, ma ni Mari tanto wona. Bɛɛ ni Mari tanto.

Yaburi 18:47

Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

Yaburi 34:3

Wo ni kofu n ma Mari gbiliya tinɛ. Ma ni a tanto ma nyɔgɔn fɛ wona.

Yaburi 66:8

Sibole bɛɛ ni mata Alla tanto. Mɔgɛ bɛɛ ni ala kabana-koe wara-koe lamɔɛn.

Yaburi 81:1

Ma ni a lawɔyɔ sewɛ la Alla ye, ma kumafunfannɛ, kɔni. Ma ni Yakobata Alla matɔgɔ.

Yaburi 89:26

Dawuda si a fɔ ile Alla ye ko, “N fa anubɛ nta Alla le ile la. N natankalɛ anubɛ nna kisilɛ le ile la.”

Bɔ-Koe-Iyipiti 15:1

Nba, Musa anubɛ Isirɛla mɔgɛnu ya bɛti kɛ bɔ Mari ye ko, “Ma si bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu natuntun Kɔgɔ-Yi-Wulan wo rɔ.

Bɔ-Koe-Iyipiti 15:21

Miriyam ya bɛti bɔ Isirɛla mɔgɛnu ye ko, “Ma ni bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu nato kɔgɔ-yi rɔ.”

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

Ɛfɛsa 5:19

Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Lankɛnimayɛ 14:3

Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.