Yaburi 94:4 - ALLALA KUMƐ

⁴ Ko-yogoma-kɛlɛnu si to anu wasila a la ha wati nyamintan? Anu bi anu wasila anuna ko-yogomɛnu na tolon!

Yaburi 94:4 ပူးပေါင်းရင်းမြစ်များ

Yobu 20:5

ado wati-kundu-ni de karagbɛlɛta sewɛ la.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Yaburi 140:3

Anu dɛ-marɛ ye a la iko duguma-fantɛ. Anu kuman-kan mani de iko birɛ wa a duri pusen.

Yaburi 31:18

Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Yaburi 59:12

Anu bi kumɛ min nabɔla anu da rɔ, wo ye a yirala ko hakɛ-tigi le anu na. Alamɛ anuna wasinteyɛ mara anu bira-fan la. I ni anu kasara wola ko la bawo anu bi dankali-kɛla ka foninyɛ fɔ. I ni anu nato dogbe ita fondo-labɔɛ rɔ! Wo si a ma, bɛɛ ni a lɔn ko ile letan Isirɛla mɔgɛnu na, ado ila mansayɛ ye duninya mumɛ bɛɛ kun na.

Yaburi 59:7

I wɔlɔ matɔlɔ n tasɛ-kumɛ la anu bolo. Anu nagan mani de iko faan-damɛ. Anu miri ko mɔgɔ-wo-mɔgɔ sa anu kan lamɔɛnna.

Hɛnkilimaya-Kumɛnu 30:14

Mɔgɛ donu fanan bi nyɔ, wonuna wɔli ma fenfen na fɔ ka bolo-kolɔnnu kensunya. Anu bi belenna buila anu ma iko sogo-feremɛnu.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Daniyɛli 7:11

“N bi wonu mafɛlan kun na, n bi kere-nɛ wo nyɛrɛ-matɔgɔ-kan lamɔɛnna. Wo le tora a la, fan do ya a sogo-nani-nyɔgɛ wo faga. Anu ya a suyi lakɛ ta-wɛ rɔ alako a ni mintan gburr!

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Daniyɛli 8:11

Kere wo nyɛrɛ bilara Alla nyɛrɛ la, ale min bi Arinyɛnɛta-kɛlɛ-dannu kun na, kɔni. Anu bi sarakɛ minnu bɔla Alla ye tele-wo-tele, a ya wo tinya. A ya Mari Bato-Bɔn tinya.

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

1 Samuwɛli 2:3

“Wo ni wo fara nyɛrɛ-kɔrɔbiyinu na. Mari Alla, wo le ya koe bɛɛ lɔn. Ale le ye mɔgɛnu kiti tɛgɛla.