Yaburi 94:23 - ALLALA KUMƐ

²³ I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Yaburi 94:23 ပူးပေါင်းရင်းမြစ်များ

2 Mansɛnu 19:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yaburi 109:20

Mari, n yogenu tɔrɔ wo nya na le katarala minnu bi ko-yogoma-su kɛnu fɔla n ma.

Yaburi 12:3

Mari, a ma, anu ni anu tade don! Anu bi anu nyɛrɛ matɔgɔla anu dɛ min na ka a fɔ ko, “Ma ara fan min bɛɛ sɔrɔn, ma ara wonu sɔrɔn ma darɔ-kan le la. Min bi ma kunyɛ anubɛ ma kannu tɛma, ma si wo fɔ. Mɔgɔ-wo-mɔgɔ sa nyɔ min si tɔn sigi ma ma.” Mari, anu dɛ wonu natogon.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Yaburi 64:8

A si anu kasara ka a tɛgɛ anu darɔ-kan ma. Min ba anu yen, wo si a bole sa a dɛ la.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Hɛnkilimaya-Kumɛnu 1:31

Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Hɛnkilimaya-Kumɛnu 5:23

A ye fagala bawo a ma sɔn a nyɛrɛ marala. Ata kuntanya-hakɛ si a latuntun kanbɛ rɔ.

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Daniyɛli 7:24

A ko kere tan kɛ, mansa tan de wonu na. Mansa-gbɛrɛkɛ si na minnubɛ mansɛ doi kɛnu ma kɛn. Wo si mansa sawa labui mansa tan kɛnu tɔ.

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Kɛlɛ-Kurugbɛnu 9:57

Alla ya a ma, Sɛkɛm mɔgɛnu ya tɔrɔyɛ sɔrɔn anuna wunduyogoyɛla ko la iko Kidiyɔnla den Yɔtam ya anu danka nya min.