Yaburi 94:20 - ALLALA KUMƐ

^20-21 Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Yaburi 94:20 ပူးပေါင်းရင်းမြစ်များ

1 Mansɛnu 12:32

Mansa Yɛrabowami ya a fɔ ala nyamanita-mɔgɛnu ye ko anu ni ladiyɛ do dabira ka a sanka Yuda mɔgɛnutɛ ma min si kɛ anuna san karɛ segin nyɔgɛ, tele tan-ni-loli ma. Mansa Yɛrabowami nyɛrɛ-nyɛrɛ ya tele wo yabɔ a nyɛrɛ ma ka sarakɛnu bɔ wulɔn. Wo tele nyɛrɛ kenɛ, a ya saraka-masɔlɛnu sigi Bɛtɛli soe burɔ minnu ya sarakɛnu bɔ saraka-bɔ-tinɛ kuma ninki-dannuna muninyɛ wonu ye. A ya ladiyɛ wo dabira Isirɛla mɔgɛnu ye ka le.

Yaburi 50:16

Kɔnɔ Alla ye a fɔla karagbɛlɛnu ye ko, “Nna tɔn minnu bi wo kunyɛ rɔ, nfenna wo kirinɛ wonu fɔɛ ma? Nfenna wo ye nna sarama-kan wara-koe fɔla?

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Yaburi 58:2

Ade! Wo miriya bɛɛ bɛnnɛ wola ko-yogoma-kɛnu ma tolon! Wo ye karagbɛlɛyɛ kɛla da-wo-da nyamanɛ rɔ.

Yaburi 82:1

Alla mayiginɛ ala mansaya-waganɛ rɔ melika bɛɛ kun na. A tenbi nyɔ, a ye koe bɛɛ latɛgɛla Arinyɛnɛ-sɛnbɛ-bɛɛ-tiginu kun na.

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Emɔsi 6:3

Wo miriya ko wo kɛ-nya ara wo tɔrɔya-tele wo masɛgi wo la pon kɔnɔ wo kɛ-nya ye wo yogenu kelela wo kan ma ka wo kasara.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.

Yɔni 18:28

Wo kɔma, anu ya Yisa bi Kaifasi warɛ ka ta a la Romu-kun-tigi-wɛ warɛ min bi anu dama kun na, kɔni. Subaga-dɛ le nun. Yahudiyanu ma sɔn donna bɔn la bawo anu kana anu nyɛrɛ latinya. Ni anu ya wo ma, anu ti sɛninya ka Kanan-Ko-Ladiyɛ dɔn-fan dɔn.

Yɔni 9:22

A sɔrɔnnɛnu ya kɛ fɔ bawo anu kilannɛ Yahudiyanu na, ado Yahudiyanu bara ban a rabɛnna nun ko ni mɔgɔ-wo-mɔgɔ ya a sɔn a la nun ko Yisa, Allata-Mɔgɔ-Yabɔnɛ le min nara anu kisi-koe ma, anu si wo gben anuta dina-bɔn la.

1 Samuwɛli 22:12

Anu ke Mansa Sɔli ma, Mansa Sɔli ya a fɔ Saraka-Masɔla Ahimɛlɛki ye ko, “I tole masɔ.” Saraka-masɔlɛ ya a fɔ ko, “Ɔn-hɔn, n tigi.”