Yaburi 94:14 - ALLALA KUMƐ

¹⁴ Ile Mari ti ila mɔgɛnu boloka. I ti i kan-kɔ sɔ anu na.

Yaburi 94:14 ပူးပေါင်းရင်းမြစ်များ

Yaburi 34:12

Wo ye a fɛ, wo ni to wo diya, wa? Wo ye nyinina simayɛ anubɛ sewɛ ma, wa?

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 74:2

I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Yaburi 94:5

Mari, anu bi ila mɔgɛnu bunden tinɛ le. Anu bi ita mɔgɛnu niyi ragbɛrɛnna anu ma.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Saraka-Masɔlɛnuta Tɔnnu 26:44

Hali anu tenbi tɔrɔyɛ rɔ anu yogenu bolo, n ti anu boloka feufeu ka anu nato dogbe! Ni n ya wo ma, lanyiri min bi ma tɛma worɔ, wo ara tinya. Wo tigi le nde, Mari Alla la min si lanyiri latɔnbagaya.

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.