Yaburi 94:13 - ALLALA KUMƐ

¹³ I si a ma, wo ni a sulen tɔrɔyɛ ma ha denkɛ ni sin karagbɛlɛ wonu ye.

Yaburi 94:13 ပူးပေါင်းရင်းမြစ်များ

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 49:5

N tenbi yakɔrɔ-mamɔɛ tɛma, n ti kilan. Karagbɛlɛ fen-tiginu yigi sanɛ anuna nɔnfulu wonu kuma, hali wonu ya n nafoo, n ti kilan n yoge wonu na. Anu bi anu nyɛrɛ matɔgɔla anuna nɔnfuli wonu tɔ.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Yaburi 9:15

Kafirinu bi gbɛrɛ min nasigila mɔgɛnu ye, anu denu denu bi birala wo la.

Yɛrɛmaya 18:20

A ma kin, mɔgɛ ni ko-nyimɛ yili sara ko-yogomɛ la. Anu bara ban denkɛ sinna n kɔrɔ n faga-koe la. Mari, i miri. Nde le sɔra i yakɔrɔ nun. N ya i madiya alako i ni ko-nyimɛ kɛ mɔgɛ kɛnu ye. N ya i madiya alako i fonde kana bɔ anu kuma.

Yɛrɛmaya 18:22

A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Hiburunu 4:9

Kɛ si a yira ma la ko Allala mɔgɛnu si ke anu sulenna iko Alla ya a sulen a tele wɔrɔnfila nyɔgɛ ma nya min.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”