Yaburi 93:1 - ALLALA KUMƐ

¹ Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Yaburi 93:1 ပူးပေါင်းရင်းမြစ်များ

1 Ko-Kɔrɔta-Karan 16:30

Duninya-mɔgɛ bɛɛsi ni yɛrɛyɛrɛn a kɔrɔ. Ale le ya dugu-kole kɛ sigi ka a balan, ado a la ti maga.

1 Ko-Kɔrɔta-Karan 16:31

Wole san-kole anubɛ dugu-kole, wo ni sewa. Wo ni a fɔ sibolo-gbɛrɛnu ye ko, “Mari le mansɛ la.”

1 Ko-Kɔrɔta-Karan 29:12

Nɔnfuli anubɛ gbiliyɛ ye bɔla ile le bolo. Fan bɛɛsi ye ita mansaya-sɛnbɛ le kɔrɔ. Ile le si ke sɛnbɛ anubɛ tɔgɛ dila mɔgɔ ma.

Yobu 40:10

Nba, ni ile si ke wonu mala le, i nyɛrɛ makiri gbiliyɛ anubɛ sɛnbɛ la. Fanka anubɛ bonya bila i kan na.

Yaburi 103:19

Mari ya ata mansaya-waganɛ sigi san-kole rɔ. Ale le mansayɛ la fan bɛɛ kun na.

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Yaburi 18:32

Alla le si fanka di n ma. A si kilɛ diya n na.

Yaburi 65:6

Ita sɛnbɛ ya kɔnkɛnu sigi anu gbɛnu tɔ yiri! Wo le ye a yirala ko ita sɛnbɛ kolo.

Yaburi 65:7

Kɔgɔ-yi tugun-kan a rɔ, i si wo rade don! Hali sibolo-gbɛrɛnu kurun-kan, i si wo fanan tade don!

Yaburi 75:3

Hali duninya-nima-fan bɛɛ yɛrɛyɛrɛnta, hali dugu-kole nyɛrɛ yɛrɛyɛrɛnta, hali wo, a ko a si dugu-kolo kurukɛ-tinɛ bira mɔrɔtɔ!

Yaburi 96:10

Wo ni a fɔ sibole doinu ye ko, “Mari le mansɛ la.” Ale le ya dugu-kole kɛ sigi ka a banban, ado a la ti maga. A si mɔgɛnu kiti telenbagayɛ la.

Yaburi 97:1

Mansɛ le Mari la woletɔ duninyarɔ-fannu ni sewa. Hali yi-tɛma-duginu fanan ni sewa.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Aiseya 11:5

A si ala mɔgɛnu mara lanayɛ anubɛ telenbagayɛ la.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Hiburunu 1:8

Kɔnɔ Alla ya kɛ le fɔ ala danla ko la. A ko, “Ile Alla, ila mansaya-waganɛ si to i bolo habadan! Ila telenbagayɛ si ma ila sɛnɛ-kɔlɔma la.

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!