Yaburi 92:6 - ALLALA KUMƐ

⁶ Kun-takolɔn ti wo nya-yen hali! Ko-nya-yenbɛlɛ ti wo nya-yen.

Yaburi 92:6 ပူးပေါင်းရင်းမြစ်များ

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 139:14

N si baraka bira i ye ka a tɛgɛ n nadan-bole ma, ado n nadan-bole makawara. Ila ko-ladan-bole bɛɛ makawara. N ya wo lɔn n yisi bɛɛ la.

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 32:9

A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

Yaburi 49:10

Mɔgɛ bɛɛ ya a lɔn ko hɛnkilimɛ si faga. Kun-takolɔn fanan si na faga. Anu dama si anuna nɔnfuli wonu to anuna dannu bolo anu kɔma.

Yaburi 73:22

n mani de wo wati rɔ iko soge. N ma ile Mari lɔn.

Yaburi 75:4

A ye a fɔla karagbɛlɛnu ye ko anu kana wasi,

Yaburi 94:8

Wole ko-yogoma-kɛlɛnu, nfenna hɛnkili sa wo bolo? Wole ye hɛnkili sɔrɔnna muntuma?

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 24:7

Hɛnkilimɛla kuma-kɔrɛ lɔn-koe gbɛlɛ kun-takolɔn bolo. Ni hɛnkilimɛnu siginɛ, anu bi kumala, a fisa, ile kun-takolɔn ni i dɛ madon i la.

Hɛnkilimaya-Kumɛnu 30:2

“N hɛnkili mani ma iko mɔgɛnutɛ. A mani de iko sogenutɛ.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 28:29

Hɛnkili kɛ bɛɛ ye bɔla Mari Sɛnbɛ-Bɛɛ-Tigi le bolo. Ata miriya makawara. Hadama-den wo hadama-den ti ke ala kabana-koe lɔnna.

Aiseya 55:9

Iko san-kole anubɛ dugu-kole fɛ-yan anu nyɔgɔn na nya min, a kɛ-nya anubɛ a miriya fɛ-yan wotɛnu na wo nya na le pon!

Yɛrɛmaya 10:14

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.