Yaburi 91:5 - ALLALA KUMƐ

⁵ Hali mɔgɔ ma kilan masiba-koenu na suyi rɔ. Hali i ma kilan latɛrɛna-kɛlɛ la tele rɔ.

Yaburi 91:5 ပူးပေါင်းရင်းမြစ်များ

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yaburi 112:7

A ti kilan kilaya-yogomɛ la. A lara Mari la. Ala dɛnkɛninyɛ ra ti maga.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Keninteya-Siginu 3:8

Wonu dama kusan faanna kɛlɛ la. Kɛlɛ-kɛla-kɔrɛ le wo bɛɛ la. Wo bɛɛ rabɛnnɛ anuna faannu na anu bolo. Hali suyi le tɔ, anu tabɛnnɛ.

Aiseya 21:4

N bi yɛrɛyɛrɛnna yisi-tinyɛ bolo. N hɛnkili latɛgɛnɛ wura-makɔnɛ ma kɔnɔ yaga, wo ye a labanna n bolo kumakɔɛ le la.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Luka 12:39

Wo ni wo hɛnkili to kɛ ko! Ni bon-tigi ya kankan na-wati lɔn ala bɔn la, a ti sɔn kankan ni ala bɔn tinya ka don.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”