Yaburi 91:14 - ALLALA KUMƐ

¹⁴ Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Yaburi 91:14 ပူးပေါင်းရင်းမြစ်များ

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Yaburi 59:1

E, nta Alla, n tanka n yogenu masibɛ ma. N tanka n yogenu ma minnu bi tugula n kan ma.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.

Yaburi 91:9

I wara Mari ma i lakanannɛ la min kɛ ka Alla Sɛnbɛ-Bɛɛ-Tigi ma i kumafunfannɛ la,

Aiseya 33:16

Wo si a ma, wo la ni tanka. Wo la si kanan iko wo ye kan-tina-gbɛlɛmɛ do le tɔ. Dɔn-fan anubɛ yi ti dasa wo ma muk!

Yɛrɛmaya 39:17

A ko a kilannɛ mɔgɛ minnu na, a ti a don wonu bolo.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 16:27

bawo n Fa Alla nyɛrɛ ara wo keni. A ara wo keni bawo wo ara nde keni, ado wo ara la a la ko n bɔra Alla warɛ le.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.