Yaburi 90:8 - ALLALA KUMƐ

⁸ I ye ma hakɛnu nabɔla gbɛ ma i yakɔrɔ. Hali ma hakɛ minnu dogonnɛ, i ye wonu yenna.

Yaburi 90:8 ပူးပေါင်းရင်းမြစ်များ

Yobu 10:14

I ye n nakɔrɔsila ka a lɔn ni n si hakɛ kɛ le alako i ni i ban n makoto-koe ma.

Yobu 34:21

Hadama-dan ye koe min bɛɛsi mala, Alla kolan ye wo bɛɛ la.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 109:15

Alamɛ Mari tora a mirila anu hakɛ ma ka nyina anu bara-koe la salon!

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 80:16

Ma yogenu ya ma malanfan ka tɛ tugu ma la. I kolan firindi anu ma ka anu halaki.

Hɛnkilimaya-Kumɛnu 5:21

I ya ko-wo-ko ladan, Mari kolan bɛnnɛ i ma, yɔ! I tara kan-bo-kan, a ye i mafɛlɛnna.

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 2:22

Nde, wo Tigi Mari ko hali wo ya soda bi ka wo ku a la, hali wo ya sefini-siyaman yogobɔrɔ wo ma, wo hakɛ ye a yirala ko wo kɔsɔnɛ.

Yɛrɛmaya 23:24

Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Saraka-Masɔlɛnuta Tɔnnu 4:23

Ni a ya a lɔn tun ko a ya hakɛ kɛ, a ni na baa-kɔrɔn la a bolo.

Saraka-Masɔlɛnuta Tɔnnu 4:28

Ni a ya a lɔn tun ko a ya hakɛ kɛ, a ni na baa-musumɛ la a bolo, fɛɛ sa min na, ni wo ma, saga-yɛrɛ.

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

1 Yɔni 3:20

Hali ma sɔndɔmɛ ya a fɔ ma ye ko ma ma ko-telenni kɛ, ma ya a lɔn ko Alla kolo ma sɔndɔmɛ ko, ado Alla ya koe bɛɛ lɔn.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.