Yaburi 90:17 - ALLALA KUMƐ

¹⁷ Alamɛ ma diyara n tigi, mata Alla ye. Ni ma ya ma bole don ko-wo-ko rɔ, alamɛ wo sabatira.

Yaburi 90:17 ပူးပေါင်းရင်းမြစ်များ

Yobu 22:28

I wa i bole don fenfen tɔ, i si wo tɔnɛ sɔrɔn. Wan-takanɛ si taran ila kilɛ la tumɛ bɛɛ.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 118:25

Mari, ma lakisi, ma lakisi! Mari, ma wara-koe lata yarɔ.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 50:2

Yerusalɛm soe min kin, Allata waan ye malanna wo kuma.

Yaburi 68:28

E, Alla, i sɛnbɛ yira ma la. I ya ma kunka sɛnbɛ min na, wo yira ma la.

Yaburi 80:3

E, Alla, sɛgi ma la tun! Kinikini ma ma alako ma si kisi nya min.

Yaburi 80:7

Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Hɛnkilimaya-Kumɛnu 16:3

I ni i fɛ-koe bɛɛ dantɛgɛ Mari ma, woletɔ ni i ya i bole don ko-wo-ko rɔ, wo si ta yarɔ.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

1 Kɔrɛnti 3:7

A fuila wo, a yi-kɛla wo, fen ma wonu na. Alla min bi a mala, fui-fan ni fɛrɛn ka sabati, wo le kolo.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!