Yaburi 90:16 - ALLALA KUMƐ

¹⁶ I ni a ma, ma ni ita kabana-koenu yen ma yɛ la. Ma kegeyɛnu ni ita gbiliya-makawanɛnu yen.

Yaburi 90:16 ပူးပေါင်းရင်းမြစ်များ

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 77:12

I wara min bɛɛ kɛ, n bi n mirila wonu ma. N bi n hɛnkili lamirila ila kabana-koenu ma.

Yaburi 92:4

E, Mari, ila ko-makawanɛnu si n nanyagalen. Ka a tɛgɛ i wara min ma, n si sewa-bɛti bɔ i ye.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Tɔn-Fɔɛ-Fila-Nyɔgɛ 1:39

“Mari ya a fɔ ko wole min ya a fɔ nun ko ni wola dannu tara nyamanɛ wo rɔ, wo yogenu si anu bira, nba, ado wola dan minnu ma ko nya-yen bɛ, wonu denu bi tala nyamanɛ wo bila, yɔ! A si nyamanɛ wo di anu denu denu ma ka anu sigi a rɔ.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.