Yaburi 90:13 - ALLALA KUMƐ

¹³ E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Yaburi 90:13 ပူးပေါင်းရင်းမြစ်များ

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 135:14

I si ila mɔgɛnu kumafunfan ka kinikini ila wɔli-kɛlɛnu ma.

Yaburi 6:5

Mɔgɔ wa faga, a si nyina ile Alla ko. Ni mɔgɛ ara ban donna lakira, a ti i matɔgɔ nyɔ rɔ tun.

Yaburi 74:10

E, Alla, ma yogenu si to yɛlɛnna i ma ha tumɛ nyamintan? Anu si to i mamɔɛnna le, wa?

Yaburi 80:14

E, Alla Sɛnbɛ-Bɛɛ-Tigi, i kolan layigi ka bɔ Arinyɛni tɔ. I ya-lamunun ma la ka ma denkun. Na ita mɔgɛnu kisi.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Yaburi 89:46

Mari, i kan-kɔ sɔnɛ si to n na ha muntuma? Ita fondo-bɔɛ si to mintannɛ kɛla iko tɛ ha tumɛ nyamintan?

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Yɛrɛmaya 12:15

A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Emɔsi 7:3

Woletɔ Mari ya a fonde yɛlɛma ka a fɔ nde, Nɛbi Emɔsi ye ko, “N bara n miri ko-yogomɛ min ma mɔgɛ kɛnu bara la, n ti wo ma tun.” Ko-Rayira Fila Nyɔgɛ

Emɔsi 7:6

Wo kɔma, Mari ya a fonde yɛlɛma ka a fɔ nde, Nɛbi Emɔsi ye ko a ti anu halaki tɛ la muk! Ko-Rayira Sawa Nyɔgɛ

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Yilan-Yilan Koe 10:36

Anu ba ke anu daga-makɛ-tina-kurɛ rɔ tuma-wo-tuma, anu si Marita tɔn-kenkirɛ sigi. Wo kɔma, Musa si a fɔ kan-wɛ la tun ko, “E, Mari, na sigi male Isirɛla mɔgɔ waga siyaman tɛma tun.”

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.