Yaburi 90:12 - ALLALA KUMƐ

¹² Ma karan alako ma ni a lɔn ko ma siyi-fɛ ma yan, ado wo si a ma, ma ni a ma ma fɛrɛma ka ma hɛnkili sɔ.

Yaburi 90:12 ပူးပေါင်းရင်းမြစ်များ

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 39:4

“Mari, n si to n niyi la ha wati nyamintan gbɛ? N bi fagala min tuma? N niyi ye bɔla wati min, wo fɔ n ye.”

Yaburi 39:5

I wara n siyi-fɛ wuruya. Fenfen ma nde niyi la i yala. Hadama-dan bɛɛ niyi mani de iko ni-lafɛ kelan i yala.

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Hɛnkilimaya-Kumɛnu 22:17

Wo ni wo tole masɔ. N si wo karan hɛnkilimaya kumɛ la. Wo ni wo niyi sa a kuma.

Hɛnkilimaya-Kumɛnu 23:12

I tole masɔ i karan-mɔgɛ la ka i raya karan ma.

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Hɛnkilimaya-Kumɛnu 4:5

I si hɛnkilimayɛ anubɛ ko-kɔrɔ-lɔn sɔrɔn. N bara min fɔ i ye, i kana nyina wo ko ka i kan-kɔ sɔ a la.

Hɛnkilimaya-Kumɛnu 4:7

Hɛnkilimayɛ kolo koe bɛɛsi ko woletɔ i ni i raya ha ka a kɔrɛ lɔn.

Makawandili Kumɛnu 7:2

Yanni mɔgɛ ni ta ladiya-bɔn la, a fisa, a ni ta saya-bɔn la bawo bɛɛ si a miri sayɛ ma nyɔ le, ado bɛɛla ban le sayɛ la.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.