Yaburi 9:16 - ALLALA KUMƐ

¹⁶ Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yaburi 9:16 ပူးပေါင်းရင်းမြစ်များ

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Yobu 18:9

Gbɛrɛ si karagbɛlɛ wo bira a kian ma. A si a kian bira sɔɛn!

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 140:9

I kana sɔn, n yogenu ni nɔ-ko sɔrɔn n ma. Anu bi n tagbɛran min kɛla, a ma, wo ni sɛgi anu denu kɔgɔ rɔ.

Yaburi 19:14

Alamɛ n miriyanu anubɛ nna kumɛnu ya i hɛnɛ. Nna kanannɛ anubɛ n kunkalɛ le ile Mari la.

Yaburi 48:11

Alamɛ Yerusalɛm kɛnu sewara. Alamɛ Yuda nyamanita-mɔgɛnu nyagalenta bawo ile si kiti tɛgɛ telenbagayɛ la.

Yaburi 5:1

E, Mari, n tenbi i madiyala, i wɔlɔ matɔlɔ n kuman-kan la. I ni i fonde lamiri n kurun-kan la.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Yaburi 92:3

Mari, n si to i matɔgɔla bɔlɔn la ka sɔrɔn-diyamɛnu fɔ i ye.

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Hɛnkilimaya-Kumɛnu 12:13

Mɔgɔ-karagbɛlɛ si bira a nyɛrɛta kuma-yogomɛ la iko gbɛrɛ kɔnɔ mɔgɔ-latelennɛ kunyɛ si bɔ tɔrɔyɛ rɔ.

Hɛnkilimaya-Kumɛnu 6:2

wo si a ma, i ni bira gbɛrɛ la i nyɛrɛta kumɛ fɛ.

Aiseya 28:13

Wo le ya a to, Mari nyɛrɛ si to wo raforongbanna doni-doninyɛ ma. Wo wati rɔ, min ba kin-fa-kelen bi, wo si tonko-tanka. Wonu si wo tanban ka ta wo la pon!

Aiseya 8:15

Mɔgɛnu si anu kian latugu ka bui. Anu ta ni sɔnsɔn. Anu si bira gbɛrɛ la.

Daniyɛli 6:25

Wo kɔma, ale Mansa Dariyasi ya kɛdi sɛbɛ sibole bɛɛ ma ala nyamanɛ rɔ. A ko, “N bara wo dama kɔndɔn. Alamɛ wo damasi sabatira.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.