Yaburi 9:10 - ALLALA KUMƐ

¹⁰ Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 9:10 ပူးပေါင်းရင်းမြစ်များ

2 Samuwɛli 22:3

Nta farɛ le Alla la n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 37:39

Mari si mɔgɔ-telennɛnu nakisi. Anu tenbi kɔndɔfili rɔ, a si anu natanka.

Yaburi 5:11

Kɔnɔ min bɛɛ ye kisi-koe nyinina i bolo, alamɛ wonu tora nyagalen rɔ i bolo ka to sigi sala sewɛ rɔ. Anu yamatogon ila kanan-koe la bawo i di anu ye. Anu si nyagalen bawo i wara min ma anu ye.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Yɛrɛmaya 29:13

A ko wo si to a nyinina, ado wo wa a nyini wo yisi bɛɛ la, wo si a yen.

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.