Yaburi 89:51 - ALLALA KUMƐ

⁵¹ E, Mari, i yogenu bi nde, ita mansa-yabɔnɛ lafɛyala. N ba ta kan-bo-kan, anu bi n manyinina le.

Yaburi 89:51 ပူးပေါင်းရင်းမြစ်များ

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Yaburi 69:8

N gboyanɛ n na-kelen-nyɔgɛnu ye iko mɔgɔ-gbɛrɛ. N bara ma nna denbayɛnu yala iko sundan.

Yaburi 74:10

E, Alla, ma yogenu si to yɛlɛnna i ma ha tumɛ nyamintan? Anu si to i mamɔɛnna le, wa?

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 26:61

Anu ko, “Kei kɛ ko a si ke ka Alla-Bato-Bɔn wayan ka a sɔ tun tele sawa kɔrɔ.”

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Hiburunu 10:33

Wati donu tɔ, wo ya lafɛyalɛ sɔrɔn gbɛ rɔ. Wati donu tɔ, anu ya wo bira boloko-yogomɛ-kɛ. Minnu tɔrɔta wo fɛ wulɔn, wo sɔnta ka sɔ wonu fɛ.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,