Yaburi 89:19 - ALLALA KUMƐ

¹⁹ I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Yaburi 89:19 ပူးပေါင်းရင်းမြစ်များ

2 Samuwɛli 17:10

Woletɔ ni wo ara don mɛ rɔ, hali ila kɛlɛ-dan minnu kerinte iko yarɛ, wonu kun ma si kɔ kilan bolo bawo Isirɛla mɔgɛ damasi ya a lɔn ko i fa Dawuda anubɛ ala kɛlɛ-dannu kolo gbɛlɛ.

1 Mansɛnu 11:34

A ko fananta Mansa Silamɛni ye a niyi la, a ti nyamanɛ bɛɛ bi a bolo. Silamɛni si mansayɛ kɛ a siyi-tele-bɛɛ kɔrɔ. Mari ko ni i ya a yen, a ye wo mala, a ye wo mala ka a tɛgɛ a fa Mansa Dawudala ko ma, ale ara min yabɔ, ado wo ara ata sereyanu bira.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 89:3

I wara sarama-kan kiri ita mɔgɔ-yabɔnɛ Dawuda ye. I wara ale, ita wɔli-kɛla yili-madiya ko

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Luka 1:70

Alla ya lanyiri kiri ala fɔlɔ-nɛbi-sɛnimɛnu baraka rɔ ko

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”