Yaburi 89:16 - ALLALA KUMƐ

¹⁶ Anu kɛnɛna i matɔgɔla ila telenbagayɛla ko la bawo anu bi sewɛ rɔ tun tun!

Yaburi 89:16 ပူးပေါင်းရင်းမြစ်များ

Yaburi 105:3

Wo ni sewa bawo Mari halalɛ le male la. Min damasi ye ale batola, wonu ni sewa.

Yaburi 29:5

Mari kuman-kan si kɔlɔma-belebele-wɛnu takerikeri. Katarala Lɛbanan kɔlɔmanu ma minnu tagbɛlɛ gbon!

Yaburi 29:7

Mari kuman-kan si ma iko bandɛ tenbi a nyin masɔgɔla.

Yaburi 33:21

Ma sewanɛ ala wɔli-nyimɛla ko la. Ma lanɛ a la bawo a sɛnima.

Yaburi 40:10

I ya ma lakisi nya min, n ma wo fɔɛ dogon n yisi rɔ. I ya ma dɛnbɛ nya min, n tora wobɛ ila lanayɛ wara-koe rakaranna mɔgɛnu ye. N tora ita lanayɛ anubɛ ila keninteya-dannatɛgɛbɛlɛ wara-koe fɔla ita mɔgɛnu ye ladɛn-wɛ rɔ. N ma n tade muk!

Yaburi 44:8

Ma si to i tantola dɛɛ! Ma si to baraka birala i ye burubukai!

Yaburi 89:12

Ka a bi nyamanɛ kɛ kantɔɛ ma ha dugulɛ, ile le ya wo dan. Tebɔ kɔnkɛ anubɛ Hɛrɔman kɔnkɛ ye sigi sala i ye sewɛ bolo iko mɔgɛnu.

Aiseya 2:5

Nba, wole Yakoba kegeyɛnu, Mari ye wan-takanɛ min dila ma ma, ma ni tagama wo rɔ.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Saraka-Masɔlɛnuta Tɔnnu 25:8

“San wɔrɔnfilɛ sigi tinɛ wɔrɔnfila, wo le bɛnnɛ san bi-nani san kɔnɔntɔ, a san kɔnɔntɛ wo karɛ wɔrɔnfilɛ tele tan ma,

Saraka-Masɔlɛnuta Tɔnnu 25:9

wo si mɔgɛnu nawuli ka belenna buri fɛla nyamanɛ kan-tinɛ bɛɛ rɔ. Tele kɛ si ma wo Hakɛ-Yamatogon-Tele la.

Luka 1:47

N niyi sewanɛ nna kisilɛ Allala ko la

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!