Yaburi 89:14 - ALLALA KUMƐ

¹⁴ Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Yaburi 89:14 ပူးပေါင်းရင်းမြစ်များ

Nihɛmaya 1:10

“Mari, i yandi, ita wɔli-kɛlɛ anubɛ ita mɔgɛ le anu na. I ya anu kunyɛ bɔ gbaran rɔ ita sɛnbɛ-makawanɛ la.

Yaburi 145:17

Mari telennɛ ala ko-ladan bɛɛ rɔ, ado a kinikinite ala ko-ladan-bole bɛɛ rɔ.

Yaburi 85:13

Mari tenbi tala kan-bo-kan, telenbagayɛ ye tala a yarɔ nyɔ ka ta kilɛ lakala a ye.

Yaburi 89:2

N ya a lɔn ko ila keninteyɛ si a laban de! Ila lanayɛ ye gbɛ le tɔ iko san-kole!

Yaburi 97:2

Mari lafoonɛ banda-fin-digidigi-wɛ anubɛ pinpi-fin-bɛ la. A si mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Hɛnkilimaya-Kumɛnu 16:12

A ma bɛn, karagbɛlɛyɛ ni diya mansɛ ye bawo telenbagayɛ le ye a mala, mansayɛ ni to sɛnbɛ rɔ.

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.