Yaburi 88:12 - ALLALA KUMƐ

¹² Mɔgɛ ti ila kabana-koe yen pinpi-wɛ wo rɔ. Anu ti fenfen lɔn ila nyimayɛ rɔ kolo-gbɛ-dugu.

Yaburi 88:12 ပူးပေါင်းရင်းမြစ်များ

Yaburi 143:3

N yogenu bara n sagaran ka n niyi ragbɛrɛn n ma. Anu bara n to pinpi-makilanni-bɛ rɔ iko mɔgɛ min bara mɛ kanbɛ rɔ.

Yaburi 31:12

Mɔgɛ bɛɛ ara nyina n ko. A mani de iko n bara faga le. N mani de iko mɔgɛnu bi bɔnku-daga-gbɛnkian min nakɛla a rɔ.

Yaburi 88:5

Anu bara n boloka furinu tɛma. N mani de kaka iko furi tenbi kanbɛ rɔ. I wara nyina n ko salon! N dɛnbɛn-kunya sa i bolo tun.

Makawandili Kumɛnu 2:16

A hɛnkilima wo, a kuntan wo, bɛɛ tɔgɛ si tunu yen! Mɔgɔ ti a miri anu ma tun. I mara hɛnkilima la wo, i mara kuntan na wo, bɛɛ si faga.

Makawandili Kumɛnu 8:10

Karagbɛlɛ wa faga, anu ni ta a togon. Mɔgɛnu tenbi bɔla kan-tina-sɛnimɛ rɔ, anu bi a tɔgɔ nyinyala soe wo burɔ a ya karagbɛlɛyɛ kɛ kan min. Wo fanan tagbɛlɛ.

Makawandili Kumɛnu 9:5

Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

Aiseya 8:22

anubɛ ka anu yɛ gbala dugi la, anu ti fenfen yen fɔ tɔrɔyɛ anubɛ pinpi. Anu bi tala kan min, anu ti fenfen taran nyɔ fɔ pinpi-makilanni-bɛ.

Matiyu 8:12

Kɔnɔ minnu bɛnnɛ nun ka don Allata mansayɛ rɔ, wonu na si fili pinpi-makilannɛ rɔ. Anu si di nyɔ ka anu nyin masɔgɔ dumɛ bolo.”

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!