Yaburi 88:1 - ALLALA KUMƐ

¹ E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Yaburi 88:1 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

1 Mansɛnu 4:31

Hɛnkilimɛ minnu fanan tɔgɔ bɔra, ale hɛnkili kolo wonutɛ ko, hali Itan min bɔra Ɛsara soe burɔ. Ale hɛnkili kolo Mɛholila dannutɛ ko, Himan anubɛ Kalikoli anubɛ Darada, kɔni. Ale Mansa Silamɛni tɔgɔ bɔra. A mankan sigira mɔgɛ bɛɛ ma minnu bi ala foolɛ rɔ.

1 Mansɛnu 5:11

Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

1 Ko-Kɔrɔta-Karan 2:6

Pɛrɛsi fɛrɛn-nyɔgɛ Seraha ya den-kei mɔgɔ loli sɔrɔn, Simiri wo, Itan wo, Himan wo, Kalikoli wo, anubɛ Darada.

1 Ko-Kɔrɔta-Karan 6:18

Lifayila den Kohati ya den-kei mɔgɔ nani sɔrɔn, Amiram wo, Isihari wo, Hiburɔn wo, anubɛ Yusiyɛli.

Nihɛmaya 1:6

I yandi, n mafɛlɛn i kolan la ka i wɔlɔ matɔlɔ nna matarali-kan la. N bi mataralɛ kɛla Isirɛla mɔgɛnu ye su-ni-tele. N bara n sɔ a la ko mabɛ Isirɛla mɔgɛnu bara hakɛ kɛ. Min sanɛ wo kuma, wo le n fata kebilɛtɛ la.

Yaburi 140:7

N tigi Mari, n kumafunfanna-wɛ le ile la. I wara n kunyɛ bɔ kɛlɛ rɔ.

Yaburi 22:2

Nta Alla, n bi i rakelela tele rɔ kɔnɔ i ti a labira. N bi i rakelela suyi rɔ fanan kɔnɔ do ti bɔ nta tɔrɔyɛ la.

Yaburi 24:5

Mari si ata duwɛ layigi anu kuma ka anu kisi. Alla si a fɔ ko fɛɛ sa anu na.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 27:9

I kana i nyɛrɛ dogon n ma. I kana diminya n ma ka n gben. Kebi fɔlɔ, n dɛnbɛnɛ le ile la woletɔ i kana n boloka. E, Alla, nna kisilɛ le ile la.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 51:14

E, Alla, n bara niyi min bɔ, n makoto wola ko la. Wo kɔma, i wara n nakisi nya min, n si sigi sa ila telenbagayɛ wola ko la.

Yaburi 53:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 62:7

Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 68:19

Ma ni ma tigi tanto min bi mala tɔrɔyɛ bila tuma-wo-tuma. Alla le wo la min si ma kisi.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 86:3

E, Mari, i ni kinikini nde ma. Telen-gbɛn, n bi i madiyala.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Luka 1:47

N niyi sewanɛ nna kisilɛ Allala ko la

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Luka 2:30

I wara kisi-koe min tabɛn mɔgɛ bɛɛ ye, n bara wo yen n yɛ la.

1 Tɛsalonaika 3:10

Su-ni-tele, ma ye a matarala ma yisi bɛɛ la alako a ni sɔn ma ni wo yen tun. Wo kɔma fanan, ni ma nara wo wara, wo makoe ye min na dɛnkɛninyɛ rɔ, ma ni wo dɛnbɛ wola ko la.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.

Taita 2:10

ado anu kana fen kankan wonu ma. Kɔnɔ anu ni anuna nyimayɛ anubɛ lanayɛ yira wonu na tumɛ bɛɛ. Woletɔ ma kisilɛ Allata karan si gbiliyɛ sɔrɔn anuna kɛ-nya-bɛɛ rɔ.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.